კოსტავას გამზირზე მდებარე სოფლის მეურნეობის სამინისტროს ყოფილი შენობა ფოტოგამოფენას, „კალეიდოსკოპი 2" მასპინძლობს, რომელიც ფოტოკონკურსის „ქოლგას" ფარგლებში იმართება.

ექსპოზიციაზე ფოტოგრაფიით დაინტერესებული სხვადასხვა პროფესიის მქონე ახალგაზრდების ფოტონამუშევრებია წარმოდგენილი. მოყვარული ფოტოგრაფებისთვის ფოტოგრაფია  არა ყოველდღიური საქმიანობა, არამედ რუტინისგან თავის დაღწევისა და თვითგამოხატვის საშუალებაა.

„კალეიდოსკოპის" კონცეფცია შემდეგ პრინციპებს ემყარება: თანამოაზრეების შემოერთება, მიტოვებული, უფუნქციოდ დარჩენილი შენობების რამდენიმე დღით საგამოფენო სივრცედ გარდაქმნა და  მათი სხვა პერსპექტივით წარმოჩენა.

წელს „კალეიდოსკოპი 2"-ის მონაწილე ფოტოგრაფებმა სოფლის მეურნეობის სამინისტროს ყოფილი შენობა საკუთარი ძალისხმევით გარდაქმნეს საგამოფენო სივრცედ და ის დამთვალიერებელს სრულიად განსხვავებული რაკურსით წარმოუდგინეს.

„კალეიდოსკოპი 2" ერთი წლის წინ დაწყებული ამავე სახელწოდების პროექტის გაგრძელებაა, რომელიც პირველად 2015 წლის 15 ნოემბერს გამოიფინა. კალეიდოსკოპური ფოტოებითა და საკუთარი ძალისხმევით  9 ფოტოგრაფმა რამდენიმე დღით თბილისის ძველი საბაგიროს ქვედა სადგურის გაცოცხლება შეძლო.

ექსპოზიცია დამთვალიერებელს 17 მაისამდე ელოდება.

თიბისი ბანკის ტრადიციას წელსაც აგრძელებს და  უკვე მეთორმეტედ  „ქოლგას"  გენერალური პარტნიორია.  თიბისი გალერეა, არტ-გალერეა და ტელეკომპანია „არტარეა" კი ფოტოკონკურსის მხარდამჭერები არიან. წლევანდელი ფოტოკვირეულის ფარგლებში  თიბისის გალერეების და „არტარეას" საგამოფენო სივრცეები ინდივიდუალურ და ჯგუფურ გამოფენებს ეთმობათ.

წელს ფოტოკონკურსში მონაწილეთა რეკორდული რაოდენობა დაფიქსირდა და  მასში მონაწილეობას მსოფლიოს 40-მდე ქვეყნის ფოტოგრაფი იღებს. „ქოლგას" ფარგლებში 15-მდე საერთაშორისო და ადგილობრივი ჯგუფური და ინდივიდუალური გამოფენა გაიმართება.

თიბისი ბანკმა წელსაც გამოავლინა საკუთარი რჩეულები. ბანკმა მობილური ტელეფონით გადაღებული საუკეთესო ფოტოების ორი ავტორი (ნომინაცია „მობილური ფოტო") Iphone 6-ებით დააჯილდოვა.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია