აჭარის მთავრობის თავმჯდომარემ არჩილ ხაბაძემ და აჭარის ჯანმრთელობისა და სოციალური დაცვის მინისტრმა ნუგზარ სურმანიძემ სხვა ოფიციალურ პირებთან ერთად ,,სამედიცინო ტურიზმისა და აღჭურვილობის’’ პირველი საერთაშორისო გამოფენა ,,EXPOMEDBATUMI 2016 ’’ გახსნეს.

აჭარის ჯანდაცვის სამინისტროს ინფორმაციით, სამედიცინო ტურიზმის მიმართულებით მსგავსი გამოფენა ბათუმში წელს პირველად ტარდება და მასში ადგილობრივ კომპანიებთან ერთად უცხოური კომპანიებიცაა წარმოდგენილი. ორი დღის განმავლობაში დაინტერესებულ პირებს საშუალება ექნებათ დაათვალიერონ საგამოფენო სივრცეში წარმოდგენილი თანამედროვე სამედიცინო ტექნოლოგიები, სამედიცინო დაწესებულებები და სასწავლებლები, სტომატოლოგიური კლინიკები, აფთიაქები, წამლის მწარმოებელი კომპანიები, ჰიგიენური და კოსმეტიკური მოვლის თანამედროვე საშუალებები, წამყვანი პლასტიკური ქირურგიის კლინიკები და სამედიცინო ტურიზმში მოღვაწე კომპანიები.

საერთაშორისო გამოფენა ,, EXPOMED BATUMI 2016 ’’ ხელს შეუწყობს რეგიონში სამედიცინო მომსახურების გაუმჯობესებას. გამოფენის ფარგლებში ჩატარდა თანამედროვე სამედიცინო ტექნოლოგიების პრეზენტაციები. მომავალი თანამშრომლობის მიზნით გაფორმდება ხელშეკრულებები და მოეწყობა ორმხრივი შეხვედრები. გამოფენაში ქართული, თურქული, უკრაინული, აზერბაიჯანულილ, რუსული, სომხური, ირანული, პოლონური, ბელორუსული კომპანიები მონაწილეობენ.

გამოფენა ,,EXPOMED BATUMI 2016 ’’ - ის ორგანიზატორია ,,GEONET EXPO’’.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია