2026 წლის მარტში გამოქვეყნებული Forbes-ის შეფასებით, აშშ-ის პრეზიდენტის, დონალდ ტრამპის ქონება 6.5 მილიარდ დოლარს შეადგენს. მისი ქონება ბოლო ერთი წლის განმავლობაში დაახლოებით 1.4 მილიარდი დოლარით გაიზარდა, ძირითადად კრიპტოვალუტის პროექტების, მისი ლიცენზირების ბიზნესის ზრდისა და იურიდიული ვალდებულებების შემცირების დამსახურებით.

ტრამპის სიმდიდრის უდიდეს წყაროს კრიპტოვალუტის აქტივები და ნაღდი ფული წარმოადგენს, რომელსაც Forbes 2.1 მილიარდ დოლარად აფასებს. ამ თანხიდან დაახლოებით 1.3 მილიარდი დოლარი ლიკვიდური აქტივებია, 393 მილიონი დოლარი - ტრამპის მემეკოინი, 242 მილიონი დოლარი - 1 აშშ დოლარის ღირებულების სტაბილური კრიპტოვალუტის ბიზნესი, ხოლო 175 მილიონი დოლარი - World Liberty Financial ტოკენი. ტრამპის გოლფის კლუბები და კურორტები 1.5 მილიარდ დოლარად არის შეფასებული.

ამ კატეგორიაში ყველაზე ღირებული აქტივებია Mar-a-Lago, რომლის ღირებულება 564 მილიონ დოლარს შეადგენს, და ამერიკული გოლფის კლუბების ქსელი, რომლის ჯამური ღირებულება 549 მილიონი დოლარია. უძრავი ქონების ინვესტიციები კიდევ 1.2 მილიარდ დოლარს მოაქვს. ეს მოიცავს წილებს ისეთ უძრავ ქონებაში, როგორიცაა Trump Tower, 40 Wall Street და საოფისე შენობები ნიუ-იორკსა და სან-ფრანცისკოში. ტრამპის წილი სოციალური ქსელ Truth Social-ის მშობელ კომპანია Trump Media & Technology Group-ში 1.2 მილიარდ დოლარად არის შეფასებული.

თუმცა, ბოლო წლის განმავლობაში ამ აქტივის ღირებულება 1.3 მილიარდ დოლარზე მეტით შემცირდა. დამატებითი აქტივები, მათ შორის ტრამპის ბრენდის ლიცენზირების ბიზნესი, თვითმფრინავები და საპენსიო ფონდები, დაახლოებით 551 მილიონ დოლარად არის შეფასებული. მხოლოდ ლიცენზირებისა და მართვის ბიზნესმა დაახლოებით 533 მილიონი დოლარი მოიტანა, რაც ახალი საერთაშორისო გარიგებების შედეგია.

Forbes-ის შეფასებით, ტრამპის იურიდიული ვალდებულებები მის წმინდა ქონებას 97 მილიონი დოლარით ამცირებს. Forbes-ის შეფასებით, დონალდ ტრამპის მეორე ვადის განმავლობაში სიმდიდრის ზრდის მთავარი მამოძრავებელი ძალა კრიპტოვალუტის პროექტები იყო, რომლებმაც მას და მის ოჯახს უკვე მილიარდობით დოლარი მოუტანეს.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია