Yandex Eats-ის მიტანის სერვისი საქართველოს ბაზარს ტოვებს. კომპანიის ოპერაციების ხელმძღვანელმა, გეორგი ჩოლარიამ, ამის შესახებ LinkedIn-ზე განაცხადა.

მან განაცხადა, რომ მიღებულ იქნა „ადგილობრივი ოპერაციების შეწყვეტის გლობალური გადაწყვეტილება“.

ჩოლარიამ აღნიშნა, რომ ამაყობს პროექტით, რადგან ბიზნესი გარდაიქმნა „სტრუქტურირებულ, შედეგებზე ორიენტირებულ ოპერაციად, მკაფიო ანგარიშვალდებულებით და შესრულების მაღალი სტანდარტებით“.

„2025 წელს ჩვენმა ბაზარმა აჩვენა კომპანიის ყველა საერთაშორისო ბაზარზე ყველაზე მაღალი ოპერაციული შედეგები - თავდადების, დისციპლინისა და თანმიმდევრული ლიდერობის წყალობით. მადლობა ყველას, ვინც ამ მოგზაურობის ნაწილი იყო. ძლიერი გუნდების შექმნა და კონკურენტულ გარემოში შედეგების მიღწევა არასდროს არის ადვილი - და სწორედ ეს ხდის ამ სამუშაოს მნიშვნელოვანს“, - წერს ის.

Yandex Eats საქართველოში 2024 წლის ოქტომბერში, ხოლო 2025 წლის ივნისში აჭარაში Yandex Go აპლიკაციის საშუალებით დაიწყო ფუნქციონირება, სადაც სხვადასხვა დაწესებულებაში აქციებსა და ფასდაკლებებს სთავაზობს.

Yandex Taxi ქვეყანაში 2016 წლის აგვისტოდან ოპერირებს.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია