ეგვიპტეში გატაცებულ თვითმფრინავში ამ დროისთვის მხოლოდ ეკიპაჟის წევრები და 4 მგზავრი იმყოფება

2016-03-29 12:52:34, 1077 ნახვა

მსოფლიო

ეგვიპტეში გატაცებულ სამგზავრო თვითმფრინავში ამ დროისთვის მხოლოდ ეკიპაჟის წევრები და 4 მგზავრი იმყოფება.

ეგვიპტულმა ტელევიზიამ სავარაუდო ტერორისტის ფოტოსურათიც გამოაქვეყნა, - ამის შესახებ ინფორმაციას Reuters ავრცელებს.

როგორც საინფორმაციო სააგენტო იტყობინება, მგზავრებს შორის დიდი ბრიტანეთის 3 მოქალაქეა. გამტაცებელმა დანარჩენ მგზავრებს ბორტის დატოვების უფლება მისცა.

მედია ინფორმაციის ცნობით, პირებს შორის, რომელიც გამტაცებელმა გაუშვა, უმეტესობა ქალები და ბავშვები არიან.

გავრცელებული ინფორმაციით, თვითმფრინავში 80-ზე მეტი ადამიანი იმყოფებოდა.

ეგვიპტური მედიის ცნობით, სამგზავრო თვითმფრინავის გამტაცებელი ვინმე იბრაჰიმ სამაჰაა, რომელიც ამერიკულ უნივერსიტეტში სწავლობს და სამედიცინო ფაკულტეტის სტუდენტია.

არაოფიციალური მონაცემებით, ის ეთნიკური ეგვიპტელი ან ლიბიელია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან