2026-01-15 21:26:22, 870 ნახვა
მსოფლიო
ისრაელი აცხადებს, რომ ლიბანის რამდენიმე რაიონში ჰეზბოლას სამიზნეები დაბომბა
ისრაელი აცხადებს, რომ ლიბანის რამდენიმე რაიონში „ჰეზბოლას“ სამიზნეები დაბომბა.
მათივე ცნობით, დარტყმები „ჰეზბოლას“ მიერ „ცეცხლის შეწყვეტის განმეორებითი დარღვევების საპასუხოდ“ განხორციელდა.
როგორც „როიტერი“ წერს, ისრაელის სამხედრო წარმომადგენელმა ლიბანის სოფელ სოჰმორის მცხოვრებლები გააფრთხილა, რომ იერიშებს განახორციელებდნენ.
ცნობისთვის, ისრაელი და ლიბანი აშშ-ის შუამავლობით 2024 წელს ცეცხლის შეწყვეტაზე შეთანხმდნენ, რითიც ისრაელსა და „ჰეზბოლას“ შორის ერთ წელზე მეტი ხნის განმავლობაში მიმდინარე ბრძოლები დასრულდა. მას შემდეგ მხარეებმა ცეცხლის გახსნაში ერთმანეთი რამდენჯერმე დაადანაშაულეს.
ავტორი: ექსპრესნიუსი,
.png)
epn.ge (@expressnews.ge)
