უკრაინის პრეზიდენტი ვოლოდიმირ ზელენსკი  ტელეფონით ელაპარაკა გერმანიის კანცლერს ფრიდრიც მერცს, ედგარს რინკევიჩსა და ალეწსანდრ სტუბს.

  პრეზიდენტი ზელენსკი ეხმაურება რუსების ბრალდებებს და წერს, რომ დასავლეთის დაზვერვა რეალურ მონაცემებს ფლობს  "განვიხილეთ  შეხვედრების შედეგები პრეზიდენტ ტრამპთან და მის გუნდთან. ვემზადებით ახალ შეხვედრებისთვის ევროპაში და მნიშვნელოვანია, რომ ყველაფერი იყოს მაქსიმალურად სიღრმისეული და რიმ ერთობლივად შევებრძოლოთ რუსეთის მცდელობებს, ჩაშალოს დიპლომატიური პროცესები. მიუხედავად იმისა, რომ რუსეთი ავრცელებს ფეიკებს უკრაინაზე თავდასხმების გასამართლებლად და ომის გაგრძელებისთვის, მსოფლიოს წამყვან დაზვერვით სამსახურებს აქვთ რეალური ინფორმაცია.
უსაფრთხოების გარანტიები, რეალური აღდგენა და ხანგრძლივი მშვიდობა საჭიროა მთელი ევროპისათვის"-წერს ზელენსკი X-ზე.

რუსეთის თავდაცვის სამინისტროსა და სერგეი ლავროვის განცხადებები ურთიერთგამომრიცხავია. თავდაცვის  უწყების ბოლო საინფორმაციო ბიულეტენის თანახმად, ნოვგოროდში ღამით საჰაერო სისტემებით 18 უკრაინული დრონი ჩამოაგდეს, ლავროვი კი ამტკიცებდა, რომ პუტინის რეზიდენციაზე უკრაინელებმა შეტევის მიტანა  91 დრონით სცადეს და ყველა გაანადგურეს. 

რუსეთის საგარეო საქმეთა მინისტრმა სერგეი ლავროვმა განაცხადა, რომ უკრაინის შეიარაღებულმა ძალებმა 29 დეკემბრის ღამეს ნოვგოროდის რეგიონში ვლადიმერ პუტინის რეზიდენციაზე მასშტაბური თავდასხმის განხორციელება სცადეს დრონების გამოყენებით. მან განაცხადა, რომ დარტყმაში 91 დრონი გამოიყენეს. „ყველა [უკრაინული] უპილოტო საფრენი აპარატი რუსეთის შეიარაღებული ძალების საჰაერო თავდაცვის სისტემებმა გაანადგურეს. არ არსებობს ინფორმაცია მსხვერპლის ან უპილოტო საფრენი აპარატის ნამსხვრევების დაზიანების შესახებ“, - განაცხადა ლავროვმა (ციტირებულია TASS-ის მიერ).

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია