დავით აღმაშენებლის სახელობის საქართველოს ეროვნულ თავდაცვის აკადემიაში 2016 წლის საერთაშორისო კვირეულის დახურვის ცერემონიალი გაიმართა.

ღონისძიებას საქართველოს თავდაცვის მინისტრი თინათინ ხიდაშელი, ეროვნული თავდაცვის აკადემიის რექტორის მოვალეობის შემსრულებელი, ვიცე-პოლკოვნიკი ვასილ კოპეიკინი, სამხედრო წვრთნებისა და განათლების სარდალი, პოლკოვნიკი მალხაზ მაკარაძე, ეროვნული გვარდიის მეთაური, ბრიგადის გენერალი ლევან გამყრელიძე და გენერალური შტაბის სხვა წარმომადგენლები დაესწრნენ.

თავდაცვის სამინისტროს ინფორმაციით, თინათინ ხიდაშელმა კვირეულის მონაწილეებს სიტყვით მიმართა, ღონისძიების დასასრულს კი მათ სპეციალური სერტიფიკატები პირადად გადასცა.

„ვფიქრობ, ძალიან მნიშვნელოვანია, როდესაც ეროვნული თავდაცვის აკადემია და ჩვენი საგანმანათლებლო დაწესებულებები განათლების მიმღებიდან განათლების გამცემ ორგანიზაციებად გადაიქცნენ, ეს არის ალბათ ყველაზე მთავარი რამ, როდესაც ასეთი მრავალეროვნული ღონისძიებები ტარდება ჩვენს ქვეყანაში. 9 ქვეყნის სამხედრო-საგანმანათლებლო დაწესებულებების წარმომადგენლები მთელი კვირის განმავლობაში იმყოფებოდნენ გორში. მათ ჰქონდათ შესაძლებლობა, აემაღლებინათ ცოდნა და მიეღოთ მეტი გამოცდილება. გორი თავისი გეოგრაფიიდან, ფუნქციებიდან, უახლესი ისტორიიდან გამომდინარე დიდ შესაძლებლობებს იძლევა ახალგაზრდა, დამწყები სამხედროებისათვის“,- განაცხადა თავდაცვის მინისტრმა.

დავით აღმაშენებლის სახელობის ეროვნულ თავდაცვის აკადემიაში საერთაშორისო კვირეული წელს მეორედ გაიმართა. კვირეულში ქართველ იუნკერებთან ერთად, ამერიკის, საფრანგეთის, გერმანიის, ჩეხეთის, ლიტვის, ლატვიის, აზერბაიჯანისა და თურქეთის უმაღლესი სამხედრო სასწავლებლების მსმენელები მონაწილეობდნენ. მათ საქართველოს შეიარაღებული ძალების, სამხედრო გამოწვევებისა და საერთაშორისო უსაფრთხოების თემაზე ლექციები მოისმინეს, ლექციების დასრულების შემდეგ კი, სხვადასხვა სახის კულტურულ-შემეცნებით პროგრამებში ჩაერთნენ. კვირეულის მონაწილეებმა დაათვალიერეს საქართველოს პრეზიდენტის სასახლე, საჩხერის სამთო მომზადების სკოლა და სახელმწიფო სამხედრო სამეცნიერო-ტექნიკური ცენტრი „დელტა“.

საერთაშორისო კვირეულის მიზანი ეროვნული თავდაცვის აკადემიის ცნობადობის ამაღლება და პოპულარიზაციაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს