შინაგან საქმეთა სამინისტროს განცხადებით, პოლიციამ ბათუმში 2008 წელს დაბადებული ნ.ვ., 2011 წელს დაბადებული უ.ჩ., 2009 წელს დაბადებული ს.კ. და 2008 წელს დაბადებული დ.გ., ორი პირის მიმართ ჯგუფურად ჩადენილი ძალადობის ბრალდებით დააკავა –  სისხლის სამართლის კოდექსის 126-ე მუხლის პირველი პრიმა ნაწილით.

დანაშაული 2 წლამდე ვადით თავისუფლების აღკვეთას ითვალისწინებს.

უწყებს ცნობით, გამოძიებით დადგინდა რომ ბრალდებულებმა 28 აგვისტოს, ბათუმში ჯგუფურად ფიზიკურად ძალადობა განახორციელეს ორი პირის მიმართ, რის შემდეგაც შემთხვევის ადგილიდან მიიმალნენ.

დანაშაულის ამსახველი ვიდეო გუშინ, 28 აგვისტოს ფეისბუქზე ერთ-ერთმა მოქალაქემ, თამარ ბჟანია-პუშკინამ გაავრცელა.

შსს ამბობს, რომ დანაშაულში მონაწილე 4 პირი პოლიციამ ოპერატიული ღონისძიებებისა და საგამოძიებო მოქმედებების შედეგად დააკავეს.

ავტორი: ექსპრესნიუსი,

სოციალური ქსელები

წულუკიანი გორზე: ამ საზარელმა კადრებმა დაგვიდასტურა, რომ მტერი მეტი გვყავს, ვიდრე გვეგონა

გორში, პოლიციის განყოფილებასთან ხმაურია - ვიდეო

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე

ევროკავშირმა Temu 200 მილიონი ევროთი დააჯარიმა