„სრულ ურთიერთგაგებას ვერ მივაღწიეთ, შეთანხმება ჯერ არ არის მიღწეული.“ -ამის შესახებ აშშ-ს პრეზიდენტმა დონალდ ტრამპმა განაცხადა,

 ტრამპმა ვლადიმერ პუტინთან შეხვედრას პროდუქტიული უწოდა და განაცხადა, რომ შემდგომი თანამშრომლობის იმედი აქვს. ორივე პრეზიდენტმა ერთობლივ პრესკონფერენციაზე ჟურნალისტების კითხვებს არ უპასუხა.

„მე ძალიან კარგი ურთიერთობა მაქვს პრეზიდენტ პუტინთან, ის ჩემი დიდი მეგობარია. ჩვენ გვაქვს შანსი, მოვაგვაროთ უკრაინაში არსებული სიტუაცია და ამისთვის მადლობას ვუხდი პუტინს და მის გუნდს.“

ერთობლივი პრესკონფერენციის ბოლოს ტრამპმა პუტინს მიმართა და გამოთქვა იმედი, რომ მალე ისევ შეხვდებოდნენ, რაზეც პუტინმა უპასუხა: "შემდეგ ჯერზე, იქნებ, მოსკოვში?", რაზეც ტრამპის პასუხი იყო, რომ ამის დაშვება შესაძლებელია. 
ვლადიმირ პუტინის განცხადებები მეტწილად, ცინიკური იყო, მან უკრაინას "მოძმე ერი" უწოდა აღნიშნა, რომ რუსეთს შეიარაღებული დაპირისპირების დასრულება სურს. 
როგორც ჩანს, მხარეები შეთანხმდნენ, რომ ვერაფერზე შეთანხმდნენ.

აღსანიშნავია, რომ პუტინისა და ტრამპის პრესკონფერენცია დასრულდა ჟურნალისტების კითხვებზე პასუხების გაცემის გარეშე. ამერიკისა და რუსეთის პრეზიდენტები ვერც ომის დასრულებაზე და ვერც დროებით  ზავზე ვერ შეთანხმდნენ. 

ავტორი: ექსპრესნიუსი,

სოციალური ქსელები

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ