დავით კერესელიძე: ღარიბაშვილის უკრაინაში ვიზიტი კვლავ გეგმაშია

2015-02-16 11:28:11, 610 ნახვა

პოლიტიკა

საგარეო საქმეთა სამინისტროს სპიკერის დავით კერესელიძის ინფორმაციით, უკრაინაში საქართელოს პრემიერ–მინისტრის ირაკლი ღარიბაშვილის ვიზიტი კვლავ გეგმაშია.
თუმცა, როდის ეწვევა ღარიბაშვილი უკრაინას, კერესელიძის თქმით, ზუსტი თარიღი უცნობია.
„უკრაინასთან ჩვენ გვაქვს და აუცილებლად გვექნება მეგობრული ურთიერთობა. რაც არ უნდა მოხდეს, ჩვენს კეთილმეზობლობას ხელს არაფერი შეუშლის. ამასთან, ვერ დავეთანხმები ინფორმაცია, რომ უკრაინასთან ნაკლები კომუნიკაცია გვაქვს. ბოლო 2 თვის განმავლობაში, უკრაინაში ბრძანდებოდა საპარლამენტო დელეგაცია. იქ ასევე იმყოფებოდა ევროპულ და ევროატლანტიკურ სტრუქტურებში სახელმწიფო მინისტრი დავით ბაქრაძე. გარდა ამისა, ჩატარდა პოლიტიკური კონსულტაციები საგარეო საქმეთა სამინისტროს დონეზე. ეს ყველაფერი ემსახურებოდა იმას, რომ ჩვენ ისევ ვიზიტი მოვამზადოთ. ყველაფერი ძალაშია და შეცვლილი არაფერია. ნამდვილად არ გვსურს, რომ უკრაინასთან კეთილმეზობლურ ურთიერთობებს რამემ შეუშალოს ხელი“, - აღნიშნა კერესელიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან