ავღანეთში, პარვანის პროვინციაში ქართველმა სამხედროებმა ქვეითი პატრულირება განახორციელეს. V ქვეითი ბრიგადის 51-ე ბატალიონის სამხედროებმა მისია სოფელ დაშთ რაბათში შეასრულეს.

როგორც „ექსპრესნიუსს“ თავდაცვის სამინისტროდან აცნობეს, ალფა ასეულის ჯარისკაცების მთავარი ამოცანა ადგილმდებარეობის შესწავლა, უსაფრთხოების მდგომარეობის შესახებ ინფორმაციის მიღება და მოსახლეობასთან გასაუბრება იყო. ქართველ სამხედროებთან ერთად ღონისძიებაში ამერიკელი საზღვაო ქვეითები და ავღანეთის უსაფრთხოების ძალები იყვნენ ჩართული.

საქართველოს შეიარაღებული ძალების V ქვეითი ბრიგადის 51-ე ბატალიონი "მტკიცე მხარდაჭერის" (Resolute Support) მისიას ბაგრამის საავიაციო ბაზაზე ასრულებს. მათი მთავარი ამოცანა საავიაციო ბაზის უსაფრთხოების უზრუნველყოფაა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია