ჩვენ გვაქვს ძალიან დიდი შანსი რეალური ცვლილებების, რომელსაც იგრძნობს ყველა მოქალაქე, ამაში ყველამ უნდა მივიღოთ მონაწილეობა, - ამის შესახებ „ევროპული საქართველოს“ წევრმა და ვაკის მაჟორტარობის კანდიდატმა გაერთიანებული ოპოზიციიდან, ელენე ხოშტარიამ საარცევნო უბანზე ხმის მიცემის შემდეგ ჟურნალისტებს განუცხადა.

მისი თქმით, მიმდინარე დარღვევების ფაქტები მეტყველებს იმაზე, რომ „ქართული ოცნების“ საარჩევნო იარაღია სწორედ ძალადობაა.

„დღეს არის ძალიან მნიშვნელოვანი დღე, როდესაც თითოეული მოქალაქის გადაწყვეტილება განსაზღვრავს ჩვენი ქვეყნის მომავალს. მიუხედავად იმისა, რომ დღის განმავლობაში უკვე ფიქსირდება „ქართული ოცნების“ მხრიდან მანიპულაციიის მცდელობა, ხან ბიულეტენებზე 2 ნომრის მოხევა, ფულის დარიგების დაუფარავი ფაქტები და ძალადობის ფაქტები, ყველას კარგად უნდა ესმოდეს, რომ სწორედ მოქალაქეები და მათი აქტიურობა განსაზღვრავს თუ როგორ განვითარდება ჩვენი ქვეყანა. ჩვენ გვაქვს ძალიან დიდი შანსი რეალური ცვლილებების, რომელსაც იგრძნობს ყველა მოქალაქე, ოღონდ ამაში ყველამ უნდა მივიღოთ მონაწილეობა, ამიტომ, ყველას მოვუწოდებ მოვიდეს არჩევნებზე.

სამწუახაროა, რომ ფაქტები როგორც წინა არჩევნებზე და ახლაც მეტყველებს იმაზე, რომ „ქართული ოცნების“ საარჩევნო იარაღია სწორედ ძალადობა. ჩვენ გვინახავას არაერთი დაუფარავად კონკრეტული „ქართული ოცნების“ წევრი საკრებულოს თავმჯდომარეები, რომლებიც ამაში იღებდნენ მონაწილეობას, მაგრამ ჩვენ, ოპოზიციას, ყველა მოქალაქეს, აქტივისტს მოვუწოდებ, არ მივცეთ საშუალება „ქართულ ოცნებას“ ძალადობრივი სცენარის განვითარებაში. მშვიდობიანად, უსაფრთხოდ მივიდეთ, მივცეთ ხმა და სწორედ საარჩევნო ბიულეტენით გადავწყვიტოთ ამ ქვეყნის ბედი და არა ისე, როგორც უნდა ბიძინა ივანიშვილს ან ვინმეს, ვინც დაინტერესებულია არეულობაში“, - განაცხადა ელენე ხოშტარიამ.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია