„რუსთავი 2“–ის დირექტორის ნიკა გვარამიას შეფასებით, მოსამართლე თამაზ ურთმელიძემ ტელეკომპანიის დაყადაღებასთან დაკავშრებით უკანონო გადაწყვეტილება მიიღო. 

როგორც გვარამიამ ბრიფინგზე განაცხადა, ურთმელიძემ „მედიის თვისუფლებაზე წინ, საკუთრების უფლება დააყენა“. 

„მოსამართლე ურთმელიძის მიერ მიღებული იქნა უკანონო გადაწყვეტილება, მან მედიის თავისუფლებაზე წინ  საკუთრების უფლება დააყენა, მესაკუთრეობის უფლებაც არის აბსოლუტურად საეჭვო, რადგან, სარჩელი, რომელზეც საუბარი მიდის, არის უპერსპექტივო, რაც თვალნათლივ შეიძლება დაინახოს პირველი კურსის იურიდიული ფაკულტეტის სტუდენტმაც, ვინაიდან, სარჩელი არის ხანდაზმული.  მოსარჩელე აპელირებს ძალადობრივ ჩამორთმევაზე და ძალადობრივ ჩამორთმევას აქვს ერთწლიანი ხანდაზმულობა. ეს სარჩელი ხანდაზმულია და სწორედ ასეთი სარჩელის პირობებში, მოსამართლე  ურთმელიძემ გამოიტანა გადაწყვეტილება, სადაც მედიის თავისუფლება უხეშად იქნა შეზღუდული“, – აღნიშნა გვარამიამ.  

მისივე თქმით, მოსამართლე ურთმელიძე იუსტიციის მინისტრის „თეა წულუკიანის მოსამართლეთა ჯგუფს მიეკუთვნება“.

„მოსამართლე ურთმელიძე არის ე.წ. ზონდერ მოსამართლე, რომელიც მიეკუთვნება წულუკიანის მოსამართლეთა ჯგუფს, რომელიც 2012 წლის  ნოემბერში შეიქმნა და  დაუფარავად მუშაობდა მთავრობაში, აწყობდა სასამართლო ხელისუფლებაში გადატრიალებას, მთვრობის სასარგებლოდ“, –  განაცხადა ნიკა გვარამიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკის და სამედიცინო ცენტრ ინოვას პარტნიორობა - ინოვაციური რობოტული ქირურგია საქართველოში

კალაძეს არ მოსწონს სიუჟეტი მასზე ამიტომ ცენზურის დაწესებას მხარს უჭერს

კობახიძე დიუშენის მედიკამენტებზე - საუბარია დაახლოებით 50 მილიონზე ყოველწლიურად

გვარამია - კობახიძემ, ერთი შეხედვით, სიგიჟე გააკეთა: ღია წერილით მიმართა ევროკავშირის ლიდერებს. ცხადია, რომ სიგიჟეა, მაგრამ არა ტყუილად ჰაერში გასროლილი