საქართველოს შრომის, ჯანმრთელობისა და სოციალური დაცვის მინისტრის მოადგილის ზაზა სოფრომაძის განცხადებით, პენსიონერებს, რომლებსაც გარკვეული პერიოდის განმავლობაში დახმარება შეუჩერდათ, დახმარების თანხის გაცემა 20 აგვისტოდან აღუდგებათ.

ამის შესახებ მან დღეს გამართულ პრესკონფერენციაზე განაცხადა.

"20 აგვისტოდან იმ თანხების გაცემა დაიწყება, რომელიც საქართველოს მთავრობის მიერ მიღებული ცვლილების შედეგად, აღუდგებათ მარტოხელა პენსიონერებს. იმ მარტოხელა პენსიონერებს, რომლებსაც გარკვეული დროის განმავლობაში შეჩერებული ჰქონდათ დახმარება, ამ დახმარების მიღება ჩვეულებრივად შეეძლებათ", - აღნიშნა სოფრომაძემ

ამასთან, ჯანდაცვის მინისტრის მოადგილე ბოლო დროს სოციალურად დაუცველი ადამიანების პრეტენზიებს გამოეხმაურა და აღნიშნა, რომ სამინისტროს მიერ სოციალურად დაუცველი ოჯახების საჭიროება შესწავლილია. 

„ბოლო პერიოდში, მიზანმიმართული კამპანიის ხასიათი მიიღო ჩვენი ოპონენტების მხრიდან, შეჭირვებული ოჯახების გამოყენებამ პოლიტიკური მიზნებისთვის. ჩვენს მიერ შესწავლილია ყველა სოციალურად დაუცველი ოჯახის საჭიროება. აქვე, მინდა განვმარტო, რომ სახელმწიფო ყველაზე შეჭირვებულ ოჯახებს ეხმარება. სოციალური მომსახურების სააგენტოს დახმარებით, დღეისთვის, მიმართა მილიონ 600 ათასზე მეტმა ადამიანმა. ცხადია, სახელმწიფოს არ შეუძლია, ყველას აღმოუჩინოს ფინანსური დახმარება, ამისთვის, არსებობს კომპენსაციის სხვა მექანიზმები და ამ მხრივ,  ჩვენი ხელისუფლება, არაერთი წარმატებული პროექტის ავტორია", - განაცხადა ზაზა სოფრომაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძეს არ მოსწონს სიუჟეტი მასზე ამიტომ ცენზურის დაწესებას მხარს უჭერს

კობახიძე დიუშენის მედიკამენტებზე - საუბარია დაახლოებით 50 მილიონზე ყოველწლიურად

გვარამია - კობახიძემ, ერთი შეხედვით, სიგიჟე გააკეთა: ღია წერილით მიმართა ევროკავშირის ლიდერებს. ცხადია, რომ სიგიჟეა, მაგრამ არა ტყუილად ჰაერში გასროლილი

ცენზურის დაწესებისას, შსს-ს შეეძლება, თავად შეაგროვოს ინფორმაცია, ან საჯარო ინფორმაციის საფუძველზე წამოიწყოს კონკრეტული საქმეები