2020-03-04 12:20:20, 1100 ნახვა

---

ჰარცელი - თუ დიალოგის პროცესში წარმატება მიიღწევა, ეს იქნება ძლიერი მესიჯი საერთაშორისო პარტნიორებისთვის, რომ საქართველოში რაღაც იცვლება

საქართველოში ევროკავშირის ელჩის, კარლ ჰარცელის განცხადებით, ოპოზიციას და ხელისუფლებას შორის საარჩევნო სისტემასთან დაკავშირებით შეთანხმების შესაძლებლობა არსებობს.

როგორც მან აღნიშნა, თუ შეთანხმება შედგება, ეს იქნება საქართველოს მხრიდან ძლიერი მესიჯი საერთაშორისო პარტნიორებისთვის.

„მოლაპარაკების შედეგი ჯერ კიდევ გაურკვეველია, ვფიქრობ არის შესაძლებლობა, რომ შეთანხმება მიღწეულ იქნას და ამაზე ჩვენ ვმუშაობთ. თუ შეთანხმებას მივაღწევთ ეს იქნება ყველა პოლიტიკური მხარის ხელმძღვანელობის დამსახურება, რომლებიც ცდილობენ პროცესის დასრულებას და გამოხატავენ სურვილს მოიძებნოს კომპრომისი. საბოლოოდ კიდევ ვიტყვი, რომ თუ დიალოგის პროცესში იქნება წარმატება მიღწეული, ეს იქნება ძალიან ძლიერი მესიჯი საქართველოს მხრიდან ევროპელი და  საერთაშორისო პარტნიორებისთვის, რომ ქართულ პოლიტიკურ გარემოში რაღაც იცვლება, ეს იქნება ძალიან მნიშვნელოვანი”, - განაცხადა კარლ ჰარცელმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი