დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ლუგარის ცენტრში კორონავირუსზე გამოსაკვლევად შესული 23-ვე ნიმუშის პასუხი უარყოფითია.

მისი თქმით, ქვეყანაში კორონავირუსით ინფიცირებულთა რიცხვი ბოლო 2 დღის განმავლობაში არ გაზრდილა.

„საქართველოში თებერვლის დასაწყისიდან 217 ადამიანი იქნა გამოკვლეული, რომელთაგან კორონავირუსი მხოლოდ სამს დაუდასტურდა. ბოლო ორი დღის განმავლობაში ახალი შემთხვევა არ გვაქვს. დღეს ლუგარის ლაბორატორიაში სხვადასხვა საავადმყოფოებიდან შესული იყო 23 ნიმუში და მათი ყველა პასუხი იყო უარყოფითი. ამჟამად ლუგარის ლაბორატორიაში კიდევ არის 6 ნიმუში და ველოდებით მათ პასუხებს", - განაცხადა ამირან გამყრელიძემ.

„საქართველოში თებერვლის დასაწყისიდან დაფიქსირებული იქნა 217 შესაძლო შემთხვევა, რომლებიც იყვნენ და არიან დაკვირვების და კვლევის ფაზაში. აქედან დაფიქსირდა მხოლოდ სამი დადებითი შემთხვევა. ბოლო ორ დღეში საქართველოში კორონავირუსის ახალი შემთხვევა არ დაფიქსირებულა. სამივე ავადმყოფი, რომლებიც მოთავსებულია ბოქსირებულ კლინიკებში თავს კარგად გრძნობენ. მცირე სიმპტომები შეიმჩნევა ერთთან, თუმცა ზოგადი კლინიკური მდგომარეობა სამივე ავადმყოფისთვის დამაკმაყოფილებელია. კარანტინში იმყოფება 150-მდე ადამიანი.

დღეს დილიდან ლუგარის ცენტრში გამოსაკვლევად შესული იყო 23 ნიმუში სხვადასხვა საავადმყოფოებიდან, ძირითადად კი ცენტრალური ინფექციური საავადმყოფოდან. ყველა ნიმუშის პასუხი გახლავთ უარყოფითი. ამჟამად შესულია დამატებით 6 ნიმუში და მიმდინარეობს მათი კვლევა“, - განაცხადა ამირან გამყრელიძემ.

ცნობისთვის, დღევანდელი მონაცემებით, საქართველოში კორონავირუსის სამი შემთხვევაა დადასტურებული.

ავტორი: ექსპრესნიუსი,

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს