2020-03-02 13:10:14, 1646 ნახვა

---

ბესელია საარჩევნო სისტემაზე - მნიშვნელოვანია, ფორმულირება წერილობით ვნახოთ, ერთია, რა ისმის ზეპირად და მეორე, რა ჩაიწერება კანონში

დამოუკიდებელი დეპუტატი, ეკა ბესელია აცხადებს, რომ მნიშვნელოვანია ახალი საარჩევნო სისტემის წერილობითი ფორმით, კონსტიტუციაში ჩაწერა.

მისივე თქმით, ხშირად ყოფილა შემთხვევები, როდესაც ზეპირი განცხადება წერილობით ფორმულირებაში აბსოლუტურად სხვა შინაარსის მატარებელი იყო.

„სანამ ჩემს აზრს ვიტყოდე, რას დავუჭერ მხარს და რას არა, მნიშვნელოვანია, წერილობითი ფორმით ვნახო ფორმულირება. ერთია, რა ისმის ზეპირად, მეორეა, რა ჩაიწერება კონსტიტუციასა და საარჩევნო კოდექსში. ხშირად გვინახავს ზეპირი განცხადება, რომელიც წერილობით ფორმულირებაში აბსოლუტურად სხვა შინაარსის მატარებელი იყო. გარდა ამისა, საჭიროა, კონსულტაციები ოპოზიციურ პარტიებთან. დღევანდელი შეხვედრის ფარგლებშიც იქნება მსჯელობა და გავიგებთ მეტ დეტალს, ვინ რა პოზიციაზე დგება. საპასუხისმგებლოა, რომ ეს პროცესი ჩვენი მხრიდანაც დანახული იყოს“, –  განაცხადა ეკა ბესელიამ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი