საქართველოში ახალი კორონავირუსის მესამე შემთხვევა დადასტურდა.

ამის შესახებ ჟურნალისტებს დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განუცხადა.

მისი თქმით, ვირუსი საქართველოს მოქალაქეს დაუფიქსირდა, რომელიც ირანში იმყოფებოდა.

„ლაბორატორიულად იქნა შესწავლილი 93 შემთხვევა და დღეს დილას დაემატა კორონავირუსის მესამე ლაბორატირიულად დადასტურებული შემთხვევა. პაციენტი მოთავსებული გახლავთ ცენტრალურ ინფექციურ საავადმყოფოში, სადაც გუშინ მოთავსდა. გვიან ღამით დამთავრდა კვლევები და კიდევ ერთხელ გადამოწმდა. ინფიცირებული არის საქართველოს მოქალაქე, რომელსაც აქვს მოგზაურობის ისტორია ირანში და მას აქვს კონტაქტი პირველ დადასტურებულ შემთხვევასთან. ისინი ერთად გახლდნენ ირანში. შემდგომ წამოვიდა ირანიდან სახმელეთო გზით, გადაკვეთა აზერბაიჯანის საზღვარი, რამდენიმე დღე იყო აზერბაიჯანში, გუშინ შემოვიდა საქართველოში.

მას ტემპერატურა დაუფიქსირდა საზღვარზე და გადაყვანილი იქნა საგანგებო სამსახურის მიერ ინფექციურში. ნიმუშის აღების შემდეგ დადასტურდა კორონავირუსის არსებობა. ზოგადად, სამივეს მდგომარეობა კლინიკურად დამაკმაყოფილებელია“, - განაცხადა ამირან გამყრელიძემ.

შეგახსენებთ, საქართველოში ახალი კორონავირუსის პირველი შემთხვევა 26 თებერვალს დადასტურდა. ინფექცია საქართველოს მოქალაქეს, 50 წლის მამაკაცს დაუდასტურდა, რომელიც ქვეყანაში ირანიდან აზერბაიჯანის გავლით შემოვიდა. მეორე შემთხვევა კი 28 თებერვალს, საქართველოს მოქალაქეს, 31 წლის ქალს  დაუდასტურდა, რომელიც იტალიაში მოგზაურობდა.

ჯანდაცვის მსოფლიო ორგანიზაციამ ახალი კორონავირუსის გავრცელების გლობალური რისკი მაღალიდან ძალიან მაღალად დააკვალიფიცირა.

დღევანდელი მონაცემებით, კორონავირუსით დაავადებულთა რიცხვი მსოფლიოში 80 ათასს აღემატება, გარდაცვლილთა რაოდენობა კი 2,700-ს აღემატება. 

ავტორი: ექსპრესნიუსი,

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.