„გაზაფხულთან ერთად ეს გამოწვევაც გადაივლის“, - ამის შესახებ ეკონომიკისა და მდგრადი განვითარების მინისტრმა ნათია თურნავამ კორონავირუსთან დაკავშირებით ჟურნალისტებს განუცხადა.

მინისტრის თქმით, სამინისტრო მზადაა ვირუსის თავიდან ასაცილებლად ისეთი არაპოპულარული ზომები მიიღოს, რომელიც ნეგატიურ გავლენას მოახდენს ქვეყნის ეკონომიკაზე.

„კორონავირუსი არის გლობალური გამოწვევა. ამას ჩვენ ყველანი ძალიან სერიოზულად ვეგებებით. მინდა გითხრათ, რომ საქართველოს ჯანდაცვის სისტემა მომზადებული ხვდება ამ გამოწვევას. ყველა აუცილებელი ზომა არის მიღებული, იქნება ეს ტემპერატურული კონტროლი აეროპორტებში თუ დავუშვათ არსებული ინფრატრუქტურის გამოყენება კარანტინებისთვის და ა.შ. არის საგანგებო შტაბი, რომელსაც ხელმძღვანელობს ჯანდაცვის მინისტრი და იქ ჩვენი წარმომადგენლები პერიოდულად იკრიბებიან. ჩვენთვის არის უპირატესი ჩვენი მოქალაქეების ჯანმრთელობის მდგომარეობა. მყისიერად ვართ მზად, რომ მივიღოთ თუნდაც ისეთი არაპოპულარული ზომები, რაც გარკვეულ ნეგატიურ ზეგავლენას ახდენს ქვეყნის ეკონომიკაზე, როგორიცაა პირდაპირი მიმოსვლის შეჩერება. მე ძალიან დიდი იმედი მაქვს, რომ ეს დროებითი ხასიათის არის და ძალიან მალე ეს გამოწვევა გადაივლის. კაცობრიობა არის კონსოლიდირებული და ებრძვის კორონავირუსს, ეს მაძლევს მე ოპტიმისმის საშუალებას, რომ დიდხანს არ გაგრძელდება ეს შეზღუდვები. თუმცა, ჩვენ ვერ გავექცევით, გარკვეულ ნეგატიურ ზეგავლენას, იგივე ირანთან და ჩინეთთან პირდაპირი ფრენების შეჩერებით, სადაც დავითვალეთ თვეში დაახლოებით, 30 მილიონი ლარია ზიანი. ეს ეხება მხოლოდ ამ ორ მიმართულებას. ზოგადადაც, სხვა ქვეყნებიდანაც შეიკავებენ ადამიანები თავს მოგზაურობისგან და ამას ექნება თავისი ნეგატიური ზეგავლენა. ნება მიბოძეთ გამოვთქვა იმედი, რომ ეს ფაქტორი დიდხანს არ გაგრძელდება. ამ ვირუსს აქვს თავისი თვისებები და დათბობასთან ერთად, გაზაფხულთან ერთად ეს გამოწვევაც გადაივლის. 2-3 თვის ზარალს, იმედი მაქვს შემდეგ თვეებში შევავსებთ იმიტომ, რომ ძალიან დივერსიფიცირებულია ჩვენი ტურიზმის გეოგრაფია. ხშირად დავიბანოთ ხელი და არაფერი მოხდება, ამას მარტივად გადავიტანთ“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა