„დემოკრატიის კვლევის ინსტიტუტის“ დამკვირვებლები 18 თებერვალს ბიძინა ივანიშვილის ბიზნესცენტრთან ორგანიზებულ საპროტესტო აქცის დროს სამართალდამცავების მიერ გამოყენებული საპოლიციო ღონისძიება არ იყო აუცილებელი და პროპორციული.

მათივე თქმით, აქციაზე შეკრებილ ადამიანებს უკანონოდ შეეზღუდათ საჯარო სივრცეში შეკრებისა და თავისუფალი გადაადგილების უფლება.

 „დემოკრატიის კვლევის ინსტიტუტის“ შეფასებით, სამართალდამცავების მიერ მიღებული ზომები არ შეიძლება ჩაითვალოს საზოგადოებრივი უსაფრთხოების დაცვის მიზნის პროპორციული ღონისძიებად, ვინაიდან, განსახილველ შემთხვევაში, შეკრების ხასიათი, მასში მონაწილე პირთა რაოდენობა და მათ მიერ განხორციელებული ქმედებები არ შეიცავდა  საზოგადოებრივი უსაფრთხოების დარღვევის რეალურ და კონკრეტულ საშიშროებას.

აქედან გამომდინარე, სამართალდამცავთა მიერ გამოყენებული საპოლიციო ღონისძიება - საზოგადოებრივ სივრცეში შესასვლელი გზის სრულად ბლოკირება  არ იყო აუცილებელი და პროპორციული, ვინაიდან პოლიციის მიერ სავარაუდოდ ნაგულისხმევი „საზოგადოებრივი უსაფრთხოების“ მიზნის მიღწევა სხვა, უფრო ნაკლებად შემზღუდველი საშუალებითაც შეიძლებოდა“, - განაცხადეს „დემოკრატიის კვლევის ინსტიტუტში“.

„დემოკრატიის კვლევის ინსტიტუტმა“ შეაფასა გუშინ პარლამენტთან მიმდინარე აქცია, და აღნიშნა, რომ აქციის მონაწილეებს, მათზე დაშვებული საშვების მიუხედავად, არ მიეცათ ადმინისტრაციულ შენობაში შესვლის შესაძლებლობა, რაც ეწინააღმდეგება წარმომადგენლობითი ორგანოების საჯაროობის პრინციპს.

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება