„ახალი საქართველოს“ ლიდერის, გიორგი ვაშაძის განცხადებით, ხვალ საკანონმდებლო ორგანოს შენობასთან ოპოზიციის წარმომადგენლები საპროტესტო აქციას გამართავენ.

მისი თქმით, პროტესტის მიზეზი გენერალურ პროკურორად პლენარულ სხდომაზე ირაკლი შოთაძის წარდგენაა.

ოპოზიციის ლიდერი საზოგადოებას საპროტესტო აქციაზე შეკრებისკენ მოუწოდებს.

„ჩვენ ხვალ გვექნება მშვიდობიანი საპროტესტო ღონისძიება პარლამენტის მიმდებარე ტერიტორიაზე, რომელიც 10 საათზე დაიწყება. ოპოზიციური პარტიები მოვუწოდებთ საზოგადოებას შევიკრიბოთ პარლამენტის გარშემო და გავაპროტესტოთ იმისათვის, რომ დავაფიქსიროთ ჩვენი ერთიანობა და ის, რომ არ შევეგუებით ქვეყანაში სამართალდამცავი ორგანოების იმ უკანონო ქმედებებს, რაც დღეს ხორციელდება. ირაკლი შოთაძე ეს არის უბრალოდ სახელი და გვარი. მისი ერთადერთი ღირსება და დამსახურება არის უშუალო ერთგულება და ყველა დავალების შესრულება ივანიშვილის და „ქართული ოცნების“ ლიდერებისთვის. ეს არის ერთადერთი პრინციპი, რომლითაც ის შეირჩა. რა თქმა უნდა, ყველამ ვიცით, რომ არც კონკურსი ყოფილა და არც არაფერი", - განაცხადა გიორგი ვაშაძემ.

შეგახსენებთ, რომ დღეს პარლამენტში, იურიდიულ საკითხთა კომიტეტის სხდომაზე გენერალური პროკურორობის კანდიდატ ირაკლი შოთაძეს მოუსმენენ. ხვალ კი ის პარლამენტის პლენარულ სხდომაზე წარდგება.

ავტორი: ექსპრესნიუსი,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი