თურქეთის თავდაცვის სამინისტროს თვითმფრინავი, რომლის ბორტზეც უხანიდან ევაკუირებული საქართველოს მოქალაქეებიც არიან, ანკარაში დაეშვა.

 უხანიდან ევაკუირებული საქართველოს სამი მოქალაქე თურქეთის სამხედრო თვითმფრინავით ანკარაში ჩაფრინდა. ამის შესახებ საგარეო საქმეთა სამინისტროს წარმომადგენელმა ვლადიმერ კონსტანტინიდმა დღეს, 2თებერვალს, გამართულ ბრიფინგზე განაცხადა.

მისი თქმით, უხანიდან ევაკუირებული მოქალაქეები ანკარაში ე.წ. საკარანტინო რეჟიმში ორკვირიან სამედიცინო დაკვირვებას გაივლიან.

„საგარეო სამინისტრომ სხვა შესაბამის უწყებებთან ერთად პირველივე დღეებიდან დაიწყო მუშაობა საევაკუაციო გეგმაზე, მივმართეთ ყველა პარტნიორ ქვეყანას, ვინც აპირებდა თავიანთი მოქალაქეების ევაკუაციას უხანიდან და საბოლოო ჯამში, ჩვენი საელჩოების თურქეთში და საფრანგეთში აქტიური ჩართულობით ეთხოვათ თურქულ და ფრანგულ მხარეებს ევაკუაციაში დახმარების აღმოჩენა.

გუშინ განხორციელდა საქართველოს სამი მოქალაქის ევაკუაცია, მათ მიმართ დაწესდა ე.წ. საკარანტინო რეჟიმი და გაივლიან ორკვირიან სამედიცინო დაკვირვებას. ასევე მათ მდგომარეობას დააკვირდება ჩვენი საელჩო ანკარაში. ასევე ამ წუთებში დამატებით ორი მოქალაქის ევაკუირება მიმდინარეობს, რომელსაც ფრანგული მხარე ახორციელებს. ანალოგიურად ისინი განთავსდებიან სამედიცინო დაწესებულებაში, გაივლიან საკარანტინო პერიოდს და შემდეგ გამოემგზავრებიან საქართველოში“,- განაცხადა კოსნტანტინიდმა.

ავტორი: ექსპრესნიუსი,

სოციალური ქსელები

22-წლიანი პაუზის შემდეგ ქართული საკლუბო ფეხბურთი ევროპულ ასპარეზს დაუბრუნდა

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს

რეკორდული ბაზრის წილი და პროდუქტის დივერსიფიკაცია - „თეგეტა ქონსთრაქშენ ექვიფმენთმა“ JCB-ს ორი ჯილდო მიიღო