თბილისის საკრებულოს შენობასთან ოპოზიციის ლიდერები და მათი მხარდამჭერები არიან შეკრებილი.

როგორც ისინი აცხადებენ, მათ „ნაციონალური მოძრაობის“ წევრის, ლევან ხაბეიშვილის ნახვა და ასევე, საკრებულოს თავმჯდომარე გიორგი ტყემალაძესთან შეხვედრა სურთ, თუმცა ამის საშუალებას სამართალდამცველები არ აძლევენ.

ცნობისთვის, საკრებულოს შენობასთან ამ დროისთვის პოლიციაა მობილიზებული, შენობაში კი უსაფრთხოების სამსახური. ადგილზე სამართალდამცველთა მობილიზება დღევანდელი დაპირისპირების შემდეგ მოხდა. კერძოდ, „ქართული ოცნების“ დეპუტატებმა სპორტის, განათლებისა და სარევიზიო კომისიის გაერთიანებულ სხდომაზე „ნაციონალური მოძრაობის“ წევრ ლევან ხაბეიშვილს ბოლო დროს გაკეთებული განცხადებების გამო ჯერ სიტყვიერად შემდეგ კი, ფიზიკურად დაუპირისპირდნენ. დაპირისპირების შედეგად ხაბეიშვილს თავისა და თვალის არეში დაზიანებები აღენიშნება.

ავტორი: ექსპრესნიუსი,

სოციალური ქსელები

მედვედევი: NATO-მ ტარანად გამოიყენა საქართველო, უკრაინა, იგივე ხდება მოლდოვაში, სომხეთში

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა