ბერლინში გამართულ სოფლის მეურნეობის მინისტრთა მე-12 კონფერენციაში გარემოს დაცვისა და სოფლის მეურნეობის მინისტრის მოადგილე ხატია წილოსანი 70-ზე მეტი ქვეყნის მაღალი რანგის დელეგაციის წევრებთან ერთად მონაწილეობდა.

კონფერენციის ფარგლებში გამართულ სამუშაო შეხვედრებზე, სოფლის მეურნეობის დარგში არსებულ გამოწვევებსა და გადაჭრის გზებზე მსჯელობის შემდეგ,  კომუნიკე შემუშავდა. 70-ზე მეტი ქვეყნის დელეგატები შეთანხმდნენ, რომ სახელმწიფოებმა აგრარული პოლიტიკის განსაზღვრის დროს პრიორიტეტად უნდა დასახონ კლიმატგონივრული აგრარული სექტორის განვითარება, მცირე და საშუალო ფერმერული მეურნეობების მხარდაჭერა და სამართლიანი სავაჭრო პირობების უზრუნველყოფა.

„კონფერენციაზე აღინიშნა, რომ მსოფლიოში მოსახლეობის ზრდის ტენდენცია, კლიმატის ცვლილები პირობებში, უსაფრთხო საკვები პროდუქტების დეფიციტის საფრთხეს ქმნის. სწორად ამიტომ არის მნიშნელოვანი სწორი აგრარული პოლიტიკის განსაზღვრა, რაც თავის თავში თანამედროვე ცოდნისა და ტექნოლოგების დანერგვას უპირობოდ ითვალისწინებს. საქართველოს მთავრობა აქტიურად მუშაობს კლიმატგონივრული პოლიტიკის დანერგვაზე. პარალელურად, მიმდინარეობს მუშაობა მცირე ფერმერული მეურნეობების განვითარებისთვის და აგრარულ სექტორში წარმოების საერთაშორისო სტანდარტის დანერგვისთვის“, - აღნიშნა გარემოს დაცვისა და სოფლის მეურნეობის მინისტრის მოადგილემ, ხატია წილოსანმა.

ავტორი: NS (სტატია დაფინანსებულია),

სოციალური ქსელები

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა

სააკაშვილი: საქართველოდან ბენზინი არა აფხაზეთში, არამედ სამხრეთ რუსეთში მიეწოდება