„უზენაესი სასამართლოს სხვა მოსამართლეებს შემდეგი მოწვევის პარლამენტი აირჩევს“,- ამის შესახებ უმრავლესობის წევრმა ირაკლი კობახიძემ ჟურნალისტებთან საუბრისას განაცხადა.

მისი თქმით, უმრავლესობა ვენეციის კომისიის რეკომენდაციებს გაითვალისწინებს, რომლის თანახმადაც ერთი მოწვევის პარლამენტი არ დააკომპლექტებს სრული შემადგენლობის ნახევარზე მეტს.

„ჩვენ საჯაროდ განვაცხადეთ, რომ გავითვალისწინებდით ვენეციის კომისიის რეკომენდაციას იმის თაობაზე, რომ ერთი მოწვევის პარლამენტი არ დააკომპლექტებდა სრული შემადგენლობის ნახევარზე მეტს. მოგეხსენებათ, ამ მოწვევის პარლამენტმა 28 -დან 14 მოსამართლე აირჩია. შესაბამისად, ჩვენ ვრჩებით ამ განცხადებაზე. შემდეგი მოწვევის პარლამენტი აირჩევს უკვე სხვა მოსამართლეებს“, - განაცხადა ირაკლი კობახიძემ.

შეგახსენებთ, რომ იუსტიციის უმაღლესმა საბჭომ პარლამენტს უზენაესის სასამართლოს მოსამართლეობის კანდიდატების ახალი 6-კაციანი სია წარუდგინა, რომლის თანახმადაც კანდიდატები გენადი მაკარიძე; ილონა თოდუა; გიორგი ტყავაძე; თეა ძიმისტარაშვილი; ნინო სანდოძე და პაატა სილაგაძე არიან.

ავტორი: ექსპრესნიუსი,

სოციალური ქსელები

თბილისის ტრამვაის ტენდერში თურქულმა კომპანია EmreRay-მ გაიმარჯვა - პროექტი ₾288 მლნ ჯდება

ყაველაშვილი დოჰაშია, სადაც კატარის სახელმწიფოს ემირს შეხვდება და ყოფილი ემირის გარდაცვალებას მიუსამძიმრებს

შსს: ნარკოდანაშაულისთვის 121 ადამიანი დავაკავეთ, საქართველოს და უცხო ქვეყნის მოქალაქეები

სახელმწიფოს ქონების ქურდობისთვის დაკავებული ლევან გამრეკელი გირაოს სანაცვლოდ გაათავისუფლეს