„გათავისუფლების შემთხვევაში ჩემი ძმა, პატრიარქის სოდომურ ცოდვებზე და ფინანსურ მახინაციებზე ისაუბრებდა“,- ამის შესახებ ე.წ. „ციანიდის“  საქმეზე მსჯავრდებული დეკანოზის, გიორგი მამალაძის ძმამ, თორნიკე მამალაძემ  დღეს გამართულ ბრიფინგზე განაცხადა.

როგორც მან აღნიშნა, ორმა ადამიანმა ერთი და იგივე ინფორმაცია მიაწოდა, რომ ზურაბიშვილმა პატრიარქთან ვიზიტის დროს მას ჰკითხა, თუ რა გადაწყვეტილება უნდა მიეღო დეკანოზის გათავისუფლებაზე, რაზეც პატრიარქმა უპასუხა, რომ თუ ამის სურვილი ჰქონდა აქამდე იტყოდა.

„მინდა გითხრათ ის, თუ რა მოხდა 4 იანვარს საპატრიარქოში, როდესაც პრეზიდენტი ბრძანდებოდა კათალიკოს პატრიარქთან, ილია მეორესთან. საბედნიეროდ, საპატრიარქოში არსებობს ადამიანები, რომლებიც ნამდვილად ემსახურებიან ღმერთს და ამ ადამიანებმა მომაწოდეს ინფორმაცია. ხაზგასმით მინდა ვთქვა, რომ არის ორი ადამიანი, რომლებმაც ერთი და იგივე ინფორმაცია მომაწოდეს. როდესაც სალომე ზურაბიშვილი იყო პატრიარქთან, სამი მეტრის რადიუსში იდგნენ ეს ადამიანები და სიტყვასიტყვით გაიგეს თუ რა საუბარი მიმდინარეობდა პატრიარქსა და სალომე ზურაბიშვილს შორის სალომე ზურაბიშვილმა ჰკითხა პატრიარქს, თუ რა გადაწყვეტილება უნდა მიეღო ჩემი ძმის შეწყალებასთან დაკავშირებით რაზეც პატრიარქმა, სალომე ზურაბიშვილს სიტყვასიტყვით განუცხადა, რომ სურვილი თუ გააჩნდა პატრიარქს ამას აქამდე ეტყოდა სალომე ზურაბიშვილს და  „ქართული ოცნების“ ხელისუფლებას და აქამდე მოხდებოდა მისი თანხმობა შეწყალებასთან დაკავშირებით. პატრიარქმა განაცხადა, რომ ჩემი ძმა უნდა იჯდეს ციხეში, რადგანაც  თავად მას არ სურს ჩემი ძმის გათავისუფლება.  გამომდინარე აქედან სალომე ზურაბიშვილის კითხვა იყო პატრიარქისადმი, თუ რა მოტივით გააქარწყლებდა იმ წმინდა სინოდის გადაწყვეტილებას, რომლითაც მოხდა პრეზიდენტის მიმართ შუამდგომლობა, რაზეც პატრიარქმა განაცხადა, რომ ეკლესიაში გადაწყვეტილებას ღებულობს მხოლოდ და მხოლოდ პატრიარქი და არა სინოდის სხდომა. გამომდინარე აქედან პატრიარქის სურვილი იყო, რომ ჩემი ძმა საპყრობილეში დარჩენილიყო. ეს იმას მიანიშნებს, რომ პატრიარქი არის შეშინებული, ის დარწმუნებული იყო რომ ჩემი ძმის გათავისუფლების შემთხვევაში მოხდებოდა საუბარი ჩემი ძმის მხრიდან პატრიარქის ცოდვებთან დაკავშირებით, რომელიც  უკავშირდება სოდომურ ცოდვებს, უკავშირდება არაერთ ფინანსურ მახინაციებს გამომდინარე აქედან პატრიარქმა გადაწვყიტა და ამ ინფორმაციების გამო ჩემი ძმა საპყრობილეში დატოვა“,- განაცხადა თორნიკე მამალაძემ.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა