2020 წლიდან უსაფრთხოების მართვის ცენტრის, "112"-ის საფასური ფიზიკური პირებისთვის ორმაგდება.

ფიქსირებული გეოგრაფიული ან არაგეოგრაფიული ზონის, ასევე მობილური სატელეფონო მომსახურების მიმღები აბონენტები ყოველთვიურად 20 თეთრის ნაცვლად 40 თეთრს გადაიხდიან.

"112"-ის საფასური 2019 წლის 31 დეკემბრის ჩათვლით ფიზიკური პირებისთვის 20 თეთრი, იურიდიული პირებისთვის კი, 50 თეთრი იყო.

2020 წლიდან ფიზიკური და იურიდიული პირების "112"-ის მომსახურებაში ერთნაირ საფასურს გადაიხდიან. შესაბამისად, იურიდიული პირებისთვის საფასური მცირდება და ოდენობა 40 თეთრით განისაზღვრება.

"112"-ის საფასური გადაიხდევინება თითოეულ სააბონენტო ნომერზე, რომლითაც კალენდარული თვის განმავლობაში განხორციელდა ჯამში 5 ლარზე მეტი ღირებულების მომსახურების შეძენა ან მომსახურებით სარგებლობა.

საფასურის გადახდისაგან თავისუფლდებიან "სოციალურად დაუცველი ოჯახების მონაცემთა ერთიან ბაზაში" რეგისტრირებული ოჯახის წევრები, რომელთა სარეიტინგო ქულა არ აღემატება 70 000-ს.

ავტორი: ექსპრესნიუსი,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა