„ექიმმა ვაჟა გაფრინდაშვილმა დაამტკიცა, რომ ღირსება და პატრიოტიზმი ყოველთვის გაიმარჯვებს“, - ამის შესახებ „ევროპული საქართველოს“ ლიდერმა დავით ბაქრაძემ განაცხადა.

მისი თქმით, ვაჟა გაფრინდაშვილი ჩვენი დროის ღირსეული ადამიანი და სამოქალაქო გმირია.

„ვაჟა ექიმი თავისუფალია და პირველ რიგში, მოვედი აქ, რომ მას ხელი ჩამოვართვა და ჩემი უღრმესი პატივისცემა დავუდასტურო ადამიანს, ვინც გვაჩვენა სამოქალაქო გმირობის მაგალითი, ვინც დაამარცხა შიში, ოკუპაცია, ციხე და ვინც დაამტკიცა, რომ ღირსება და პატრიოტიზმი ყოველთვის გაიმარჯვებს. საქართველოს ვულოცავ, რომ ჩვენი ღირსეული ადამიანი, ჩვენი დროის სამოქალაქო გმირი, ჩვენი ქვეყნის დიდი პატრიოტი და ღირსეული ადამიანი არის თავისუფალი“, - განაცხადა დავით ბაქრაძემ.

შეგახსენებთ, ოკუპანტების მიერ უკანონოდ დაკავებული ექიმი ვაჟა გაფრინდაშვილი პატიმრობიდან დღეს გათავისუფლდა. საოკუპაციო რეჟიმმა ვაჟა გაფრინდაშვილი 9 ნოემბერს დააკავა. ოკუპანტები ექიმს ე.წ საზღვრის უკანონო კვეთას ედავებოდნენ, თუმცა გაფრინდაშვილი წარდგენილ ბრალს არ აღიარებდა. 20 დეკემბერს ცხინვალის საოკუპაციო რეჟიმმა ვაჟა გაფრინდაშვილს 1 წლითა და 9 თვით პატიმრობა შეუფარდა.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა