სასოფლო გზების მოწესრიგება, რეაბილიტაცია და ახლის მშენებლობა შუახევის მუნიციპალიტეტის მერიის ერთ-ერთი მთავარი პრიორიტეტია.

საგზაო ინფრასტრუქტურის განვითარების მიზნით მუნიციპალიტეტში არაერთი მნიშვნელოვანი პროექტი განხორციელდა და მომავალშიც აქტიურად გაგრძელდება.

ახალი საგზაო ინფრასტრუქტურით წელს პირველად ისარგებლებს წყალსაყრის თემში, სოფელ ხაბელაშვილებში მცხოვრები თამაზ ბერიძის ოჯახი. ბერიძეები 40 წელზე მეტია სასოფლო გზიდან სახლამდე ბილიკით გადაადგილდებოდნენ და ოჯახისთვის საჭირო მარაგს ხელით ეზიდებოდნენ.

წლების განმავლობაში არსებული პრობლემა მათ მუნიციპალიტეტის მერიის მხარდაჭერით მოუგვარდა. ახალი სამანქანე გზის გაყვანითი სამუშაოები კომუნალურმა სამსახურმა უზრუნველყო.

,,მოსახლეობასთან შეხვედრების დროს შუახევის მერს ვთხოვე სოფლის ცენტრალური გზიდან სახლამდე ახალი სამანქანე გზის გაყვანა. იგი დამპირდა პრობლემის მოგვარება და როგორც ხედავთ სიტყვა აქცია საქმდ, რომელიც 40 წლის განმავლობაში ვერცერთმა ხელისუფლებამ ვერ მოგვიგვარა“- აღნიშნა თამაზ ბერიძემ.

 მიმდინარე წელს საგზაო ინფრასტრუქტურაზე ადგილობრივი ბიუჯეტიდან 600 000 ლარამდე დაიხარჯა. 9 თემის 40-მდე უნაბში 7 კმ -ზე დაეგო ბეტონის საფარი, კაპიტალური ხიდი აშენდა ბარათაულში, მოეწყო საყრდენი კედლები, დამცავი ბაგირები და სანიაღვრე არხები. 12 239 078 ლარის სამუშაოები განახორციელა აჭარის საგზაო დეპარტამენტმა.

ავტორი: NS (სტატია დაფინანსებულია),

სოციალური ქსელები

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა

თიბისი IT აკადემია ბლოკჩეინის ტექნოლოგიების შესწავლის ახალ შესაძლებლობას ქმნის

მონაკოში, საცხოვრებელ კორპუსში აფეთქების საქმეზე ეჭვმიტანილი ქალის ცხედარი კიევის მახლობლად იპოვეს