„იქ ვინც იყო ყველას იდენტიფიცირება ხდებოდა, ვინც აგრესიით გამოირჩეოდა, მოხდა მათი გადაყვანა“, - ასე გამოეხმაურა შს მინისტრი ვახტანგ გომელაური გუშინ, მცხეთაში განვითარებულ მოვლენებს.

ვახტანგ გომელაურის განცხადებით, პოლიციას ჰქონდა ადეკვატური რეაგირება.

„გუშინ მოხდა 7 ადამიანის დაკავება. როგორც მახსოვს, აქედან 3 იყო „ქართული ოცნების“ მომხრე, 4 კი აქტივისტი და ყველა გავუშვით ხელწერილებით, რომ არ მომხდარიყო მერე ეს დააკავეთ, ის დააკავეთ, რაც ხშირად ხდება. იქ ვინც იყო ყველას იდენტიფიცირება ხდებოდა, ვინც აგრესიით გამოირჩეოდა მოხდა მათი გადაყვანა.

მე ვიტყოდი, ადეკვატური რეაგირება ჰქონდა პოლიციას, საქმე აღიძრა. რა თქმა უნდა, პოლიციასთან იყო შეხლა-შემოხლა. სამწუხაროდ, მოვუწოდეთ ჩაბრძანებულიყვნენ, ქვემოთ გაწეულიყვნენ ეს ადამიანები, თუმცა ამ ადამიანებმა უარი განაცხადეს. დაპირისპირება მოხდა ორ ჯგუფს შორის“, - განაცხადა შს მინისტრმა.

შეგახსენებთ, გუშინ მცხეთაში, მუნიციპალიტეტის მაჟორიტარი დეპუტატის, დიმიტრი ხუნდაძის ბიუროსთან ერთმანეთს მოძრაობა „გაბედეს“ და „ქართული ოცნების“ მხარდამჭერები დაუპირისპირდნენ.

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს