კომპანია "ვისოლი ჯგუფმა” ჩქაროსნული ავტომაგისტრალის გორის მონაკვეთზე მდებარე „დასვენებისა და მომსახურების კომპლექსში“ „ვენდისა“ და დანკინ დონატსის“ რესტორნები გახსნა.

ამერიკული რესტორნების ქსელების პირველი რეგიონალური ობიექტების საზეიმო პრეზენტაციას გორის მერი ზურაბ ჯირკველიშვილი,  შიდა ქართლის გუბერნატორი ზურაბ რუსიშვილი, "ვისოლ ჯგუფის" პრეზიდენტი სოსო ფხაკაძე და კომპანია "ვენდის" წარმომადგენელი დაესწრო.

 „ვისოლ ჯგუფის“ „დასვენებისა და მომსახურების კომპლექსი“ მულტიფუნქციურია და რამოდენიმე მომსახურების ობიექტს მოიცავს.  „ვენდისა“ და „დანკინ დონატსის“ რესტორნების გარდა, რომელიც დღეს  გაიხსნა, ობიექტზე განთავსებულია „ვისოლის“ ავტო და გაზგასამართი სადგურები, „ვიანორის“ ავტომომსახურების ცენტრი,  სუპერმარკეტი “სმარტი” პროდუქტების ფართო არჩევანით და  “სმარტ კაფე” უგემრიელესი საკონდიტრო ნაწარმით. აქვე განთავსებულია სოფლის მეურნეობის პროდუქტების სავაჭრო კუთხეც. კომპლექსის ტერიტორიაზე გამოყოფილია სატვირთო მანქანების, ავტობუსებისა და მსუბუქი მანქანების პარკირების ზონაც.

 „ვენდისა“ და დანკინ დონატსის“ ახალ ობიექტებზე „ვისოლ ჯგუფმა“ 50-მდე ადგილობრივი მოსახლე დაასაქმა და  მომხმარებლებს საინტერესო აქციებიც შესთავაზა. თხილის ყავას  და „რინგ დონატს“ „დანკინ დონატსის“ სტუმრები მხოლოდ 3 ლარად მიიღებენ ხოლო „ვენდიში“ მისულ სტუმრებს „ბეკონატორისა“ და „ჯუნიორ ბეკონატორის“ კომბო მხოლოდ ბურგერის ფასად დახვდება. „ვენდი“ „დასვენეისა და მომსახურების კომპლექსში“ სათამაშო ზონითაცაა წარმოდგენილი.

 "დღეს არის გამორჩეული დღე "ვისოლ ჯგუფში", რამეთუ არის პირველი შემთხვევა, როდესაც დედაქალაქ თბილისის გარეთ იხსნება "ვენდისა" და "დანკინ დონატსის" რესტორანი. ჩვენ სადაც არ უნდა გავაკეთოთ ეს რესტორანი, ეს ბრენდები ყოველთვის, ნებისმიერ ქალაქში მიიტანენ იგივე ხარისხს, რაც არის თბილისში.ჩვენი ხარისხი პროდუქციისა და მომსახურების, სერვისის მაღალი კულტურა დამკვიდრდება საქართველოს ნებისმიერ ქალაქში და ხარისხის კუთხით, ჩვენ ყველა კონკურენტისაგან გამორჩეული ვიქნებით, რამეთუ ეს არის ჩვენი ბიზნესის კეთების ფილოსოფია. ასევე, მეორე მნიშვნელოვანი ფაქტორია ის, რომ დღეს 50 ახალი სამუშაო ადგილი შეიქმნა, რაც თითოეული ჩვენთაგანისთვის  ღირებულია",-განუცხადა ჟურნალისტებს კომპანია "ვისოლ ჯგუფის" პრეზიდენტმა სოსო ფხაკაძემ.

(r)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“