სახელმწიფო უსაფრთხოების სამსახურის ხელმძღვანელობის კანდიდატის ვახტანგ გომელაურის შეფასებით, ისლამური სახელმწიფო არა მხოლოდ საქართველოს, არამედ მსოფლიო პრობლემაა.

როგორც მან, გაერთიანებული კომიტეტების სხდომაზე განაცხდა, სასქართველოში  ისლამური სახელმწიფოს ერთ–ერთი „თავი“ დააკავეს, რომელიც ახალგაზრდებში აგიტაციას ეწეოდა, რომ სირიაში გადასულიყვნენ.

გომელაურის თქმით, მისი დაკავება ფარული სპეცოპერაციის ჩატარების შედეგად მოხდა.

 „ ისლამური სახელმწიფო ეს მსოფლიო პრობლემაა, არ არის მარტო ჩვენი ქვეყნის პრობლემა, დაწყებული ამერიკის დიდი ქვეყნიდან, დამთავრებული ჩვენი პატრა ქვეყნით.ჩვენ ვართ ევროპისა და აზიის გასაყარზე და აქედან არის საშიშროება, როგორც ნარკოტიკული საშუალების გასვლის, ასევე ტერორისტების გადაადგილების. ეს ძალიან კარგია მათთვის, რა თქმა უნდა ამას თუ არ შევზღუდავთ.  ჩვენ თუ  მარტო რუსეთზე დავიწყებთ მუშაობას... ყველა მიმართულებით უნდა ვიმუშავოთ, არავინ არ ვართ დაზღვეულები. ღმერთმა ნუ ქნას ხვალ რამე მოხდეს. რა თქმა უნდა მუქარა  მოდის, მაგრამ ამას ჩვენ ტელევიზიით ვერ ვისაუბრებთ. ჩვენ ჩავატარეთ ოპერაცია ვერტმფრენებით, მაგრამ ეს არავის არ გაუგია. ისლამური სახელმწიფოს  ერთ–ერთი თავი  იქნა დაკავებული საქართველოში, მის თანმხლებ პირებთან  ერთად, რომლებიც პასუხისგებაში იქნენ მიცემულები. ისინი მოუწოდებდნენ... თუნდაც იმ ახალგაზრდების გადასვლა, რომ მოხდა ისლამურ სახელმწიფოში, თურქეთის ტერიტორიაზე და შემდეგ სირიაში. ეს ადამიანი იყო მათი იდეოლოგი, რომელიც მოუწოდებდა ჩართულიყვნენ ისლამური სახელმწიფოს რიგებში  და ებრძოლათ მათ გვერდით“, – აღნიშნა ვახტანგ გომელაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება