ილია ჭავჭავაძის მემორიალის ტერიტორიაზე მღვდელი ეკლესიას აშენებს

2015-07-21 15:24:56, 1829 ნახვა

სხვადასხვა

საგურამოში, ილია ჭავჭავაძის მემორიალის ტერიტორიაზე, მღვდელი ტარიელ სიჭინკილაშვილი ეკლესიას აშენებს.
ამის შესახებ ინფორმაციას „რუსთავი 2 „ ავრცელებს.
მათივე ინფორმაციით, მღვდელმა სიჭინკილაშვილმა საგურამოში მდებარე ილია ჭავჭავაძის მემორიალთან ღობე მოარღვია და ობელისკამდე მისასვლელი ფილაქნები მოანგრია.
ამასთან, მოძღვარმა ადგილობრივ ხელისუფლებას მიმართა, რომ მემორიალთან არსებული მიწის ნაკვეთი მფლობელობაში გადაეცეს.
"დავწერე წერილი, ერთი თვეა მიტანილი გვაქვს, მაგრამ რა ვუყოთ ახლა? მერე რა, რომ ვერ გააკეთეს და თანხმობა დღეს არ მაქვს, ხვალ მექნება, ზეგ მენება",-განაცხადა მღვდელმა ტარიელ სიჭინკილაშვილმა.
ცნობისთვის, ილია ჭავჭავაძის მემორიალი კულტურული მემკვიდრეობის ძეგლის სტატუსს ელის.