თბილისის მერი პარლამენტში განვითარებულ მოვლენებს აფასებს.

კახა კალაძის თქმით, უმრავლესობა არ დაიშლება და განცხადებები, რაც დეპუტატებმა უმრავლესობის დატოვების შემდეგ გააკეთეს, იყო ცხელ გულზე მიღებული.

რაც შეეხება საკონსტიტუციო ცვლილების ჩაგდებას, დედაქალაქის მერი ამბობს, რომ მისთვის მოულოდნელი იყო ეს გადაწყვეტილება.

 „არანაირი უმრავლესობა არ დაიშლება. შეიძლება გარკვეულ პოლიტიკურ პარტიებს, ოპონენტებს ამის სურვილი და მოლოდინი ჰქონდეთ. არანაირი უმრავლესობა არ დაიშლება. ჩვენ მოვისმინეთ განცხადებები ჩვენი დეპუტატების მხრიდან გასვლასთან დაკავშირებით, მე ვფიქრობ, ეს იყო ცხელ გულზე გაკეთებული განცხადებები. ეს ჩემი სუბიექტური მოსაზრებაა, ცხელ გულზე გაკეთებული განცხადებებია. რა თქმა უნდა, იქნება კომუნიკაცია, იქნება შეხვედრები. მეც არ მოველოდი, პირდაპირ გეტყვი ამ გადაწყვეტილებას, საკმაოდ ოპტიმისტურად ვიყავით განწყობილი, რომ მოხდებოდა ახალ საარჩევნო სისტემაზე გადასვლა," - განაცხადა დედაქალაქის მერმა. 

ავტორი: ექსპრესნიუსი,

სოციალური ქსელები

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის