„ლითონის დაშლილი საფეხმავლო ხიდების აღდგენა არ იგეგმება“

2019-10-17 14:48:35, 1466 ნახვა

საზოგადოება

„ლითონის დაშლილი საფეხმავლო ხიდების აღდგენა არ იგეგმება“ - მერიის განმარტება

"ლითონის დაშლილი საფეხმავლო ხიდების აღდგენა არ იგეგმება", - ამის შესახებ "ექსპრესნიუსს" თბილისის მერიიდან აცნობეს.

როგორც მერიის განცხადებაშია აღნიშნული, სულ 19 ხიდის დემონტაჟია.

"თბილისის მერია, კონტრაქტორი კომპანიის მეშვეობით, ახორციელებს ლითონის საფეხმავლო ხიდების დემონტაჟს. სულ დაგეგმილია 19 ხიდის დემონტაჟი, ამ დროისთვის კი დაშლილი და დასაწყობებულია 9 ხიდი. წელსვე დასრულდება დარჩენილი 10 ხიდის დემონტაჟი.

დაშლილი ხიდები დასაწყობებულია თბილისის მერიის საწყობში. მათი აღდგენა არ იგეგმება.

მომავალში, საჭიროების დადგომის შემთხვევაში, თბილისის ქუჩებში მხოლოდ და მხოლოდ თანამედროვე ტიპის გადასასვლელი ხიდები გაკეთდება", - ნათქვამია განცხადებაში.

(NS)

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან