„ერთი ნაკლი აქვს ამ ციხეს, მას მიხეილ სააკაშვილი აკლდა“,- ამის შესახებ  პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე რუსთავის მე–16 სასჯელაღსრულების დაწესებულებასთან  დაკავშირებით განაცხადა, რომელიც ნაკლებად მძიმე პატიმრებისთვის არის გათვალისწინებული. 
მან სოზარ სუბარს სასჯელაღსრულების დაწესებულებაში გატარებული რეფორმებისთვის მადლობა გადაუხადა. 
მისივე შეფასებით, სასჯელაღსრულების დაწესებულებაში ახალი  ხელისუფლების პირობებში პატიმრებისთვის მდგომარეობა მნიშვნელოვნად გაუმჯობესდა. 
„ის რაც ჩვენ ვნახეთ, არის რევოლუციური, ყველას გვახსოვს რა იყო ციხეებში, რა მდგომარეობა იყო ადამიანის წამება, გაუპატიურება და მკვლელობა პირდაპირი მნიშვნელობით. არრავითარი ზრუნვა მათზე, მინდა მადლობა ვუთხრა ბატონ სოზარს, მის დროს დაიწყო ეს რეფორმები ბატონ ბიძინა ივანიშვილის ინიციატივით და ეს არის ძალიან სწორი მიდგომა. პირველად სახელმწიფო ხარჯავს მილიონებს პატიმრების მკურნალობისთვის, თქვენ ნახეთ რა მდგომარეობა იყო ციხეებში და რა მდგომარეობაა დღეს. მე-16 დაწესებულებაში იყო კატასტროფული მდგომარეობა, ერთ ოთახში 40-მდე პატიმარი იყო, გასულ წლებში... გაურემონტებელი საშინელ მდგომარეობაში იყო ციხე. იქ არის თანამედროვე სავადმყოფო, ბიბლიოთეკა, სპორტული მოედანი... ამ ციხეში არიან ნაკლებად საშიში პატიმრები, ისინი, რომლებიც კარგად იქცევიან, რომლებმაც დაადასტურეს, რომ არიან გამოსწორების გზაზე. ეს იქნება კარგი მოტივაცია სხვენისთვის, რომ ამ ციხეში მოხვდნენ. თუმცა ერთი ნაკლი აქვს ამ ციხეს, მიშა აკლდა ამ ციხეს, მე და თინა ვხუმრობდით, ყველაფერი წინ არის“,-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება

აპრილში საქართველოსთვის ფულადი გზავნილების ძირითად წყაროს ევროკავშირის ქვეყნები და აშშ წარმოადგენდა