სექსუალური ძალადობის სავარაუდო მსხვერპლისთვის დაზარალებულის სტატუსი ამ დრომდე არ მიუნიჭებიათ

2019-10-07 13:35:25, 2192 ნახვა

სამართალი

სექსუალური ძალადობის სავარაუდო მსხვერპლი თამთა თოდაძე პროკურატურისგან დროულ და ეფექტურ გამოძიებას ითხოვს.

თოდაძემ იმედი გამოთქვა, რომ გამოძიება "ქართული ოცნების" საკრებულოს დეპუტატის, ილია ჯიშკარიანის მიმართ მკაცრი იქნება. მისივე თქმით, დაწყებული გამოძიების ფარგლებში მას დაზარალებულის სტატუსი ამ დრომდე არ მიენიჭა.

“ჩემი მთავარი მოთხოვნა არის რომ კანონის სრული დაცვით მოხდეს ნივთმტკიცებების ამოღებაც, ყველაფერი ისე მოხდეს, რომ მართლმსაჯულებამ იზეიმოს. რადგანაც ამ დრომდე არ მოხდა ჩემი დაზარალებულად ცნობა, საგამოძიებო უწყებამ, პროკურატურამ უფრო მეტად დამანახოს ის, რომ ყველაფერს აკეთებს იმისათვის, რომ ეს საქმე მაქსიმალურად იქნება გამოძიებული. სავარაუდო ბრალდებულის მხრიდან გამოითქვა იმის სურვილი, რომ ამ საქმის სხვებისათვის გაგება არ მომხდარიყო და ჩუმად მომხდარიყო მიჩქმალვა," - აღნიშნა თოდაძემ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან