აჭარის სოციალური პარტნიორობის კომისიის სხდომა გაიმართა

2019-10-02 17:03:29, 3835 ნახვა

რეგიონი

აჭარის ავტონომიური რესპუბლიკის სოციალური პარტნიორობის სამმხრივი ტერიტორიული კომისიის მესამე სხდომა ჩატარდა.

სხდომას აჭარის ავტონომიური რესპუბლიკის ჯანმრთელობისა და სოციალური დაცვის მინისტრის პირველი მოადგილე - ნინო ნიჟარაძე უძღვებოდა.

სხდომის მონაწილეებს სიტყვით მიმართეს აჭარის ავტონომიური რესპუბლიკის უმაღლესი საბჭოს წევრმა - ილია ვერძაძემ, საქართველოს პროფესიული კავშირების გაერთიანების თავმჯდომარემ - ირაკლი პეტრიაშვილმა და უკრაინის პროფკავშირების ფედერაციის პრეზიდენტმა - გრიგორ ოსოვოიმ, რომლებმაც ისაუბრეს რეგიონულ დონეზე კომისიის შექმნის მნიშვნელობაზე, სოციალური პარტნიორობისა და დიალოგის შედეგად პრობლემების მოგვარების შესაძლებლობაზე.

სხდომაზე მხარეებმა, 2019 წლის 15 მარტის კომისიის სხდომის საოქმო გადაწყვეტილებით შექმნილ სამუშაო ჯგუფს, შვებულების გამოთვლის შესახებ საკითხის შესწავლის, შესაბამისი რეკომენდაციის პროექტის მომზადებისა და მისი კომისიისათვის წარსადგენად დამატებით ორი თვის ვადა მისცა. ასევე შეიქმნა მონიტორინგის ჯგუფი, რომელიც ორი თვის ვადაში კომისიას წარუდგენს სამოქმედო გეგმას. სოციალური პარტნიორობის სამმხრივი ტერიტორიული კომისია აჭარის ავტონომიური რესპუბლიკის მთავრობის თავმჯდომარის 2018 წლის 24 აპრილის N10 დადგენილებით შეიქმნა. სხდომის ორგანიზაციულ-ტექნიკური უზრუნველყოფა განახორციელა შრომის საერთაშორისო ორგანიზაციამ (ILO).

(NS)

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,