უზენაესი სასამართლოს მოსამართლეობის კანდიდატისთვის 17 მაისი ოჯახის სიწმინდის დღეა

2019-09-26 14:06:58, 1933 ნახვა

საზოგადოება

უზენაესი სასამართლოს უვადო მოსამართლეობის კანდიდატ მირანდა ერემაძისთვის 17 მაისი ოჯახის სიწმინდის დღეა.

ამ დღესთან დაკავშირებით მოსამართლების კანდიდატს კითხვა ფრაქცია „ერთიანი ნაციონალური მოძრაობის“ თავმჯდომარე რომან გოცირიძემ იურუდიულ საკითხთა კომიტეტზე დაუსვა.

გოცირიძემ მას კითხვა გაუმეორა და მხოლოდ ამის შემდეგ აღნიშნა ერემაძემ, რომ 17 მაისი ჰომოფობიისა და ტრანსფობიის წინააღმდეგ ბრძოლის საერთაშორისო დღეა.

რომან გოცირიძე: 17 მაისი თქვენთვის რა დღეა?

მირანდა ერემაძე: 17 მაისი, მივხვდი საით მიგყავთ შეკითხვა, არის ეკლესიის მიერ დაწესებული ოჯახის სიწმინდის დღე.

რომან გოცირიძე: ოღონდ არ არის მთავრობის მიერ დაწესებული ოფიციალური დღესასწაული. მაგრამ რატომ არ ამბობთ, რომ 17 მაისი არის ჰომოფობიისა და ტრანსფობიის წინააღმდეგ ბრძოლის საერთაშორისო დღე?

მირანდა ერემაძე: დიახ, ესეც არის

რომან გოცირიძე: თქვენ რომელს აღიარებთ ამ ორიდან?

მირანდა ერემაძე: მაინცდამაინც თარიღში თანხვედრა რომ მოხდა, არ ნიშნავს, რომ რომელიმე ერთ-ერთს უპირატესობა უნდა მივანიჭოთ. ჩვენ ვართ სეკულარული სახელმწიფო, სახელმწიფო არ ერევა ეკლესიის გასაწყვეტილებაში და მის გადაწყვეტილებას პასუხი უნდა ვცეთ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან