ირის ბორჩაშვილის სახელობის ჯანმრთელობის ცენტრ მედინასა და ხელვაჩაურის სამედიცინო ცენტრს შორის ურთიერთანამშრომლობის მემორანდუმი გაფორმდა.

ღონისძიებას აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე, მინისტრის მოადგილეები ნინო ნიჟარაძე, ზურაბ თენიეშვილი და ქ. ბათუმის მერის მოადგილე, ლელა სურმანიძე ესწრებოდნენ.

ორ სამედიცინო დაწესებულებას შორის დაწყებული თანამშრომლობის ფარგლებში, ბენეფიციარები, რომლებიც საყოველთაო ჯანდაცვის პროგრამის ფარგლებში გეგმიურ ამბულატორიულ მომსახურებას ხელვაჩაურის სამედიცინო ცენტრში ღებულობენ, ამიერიდან ირის ბორჩაშვილის სახელობის ჯანმრთელობის ცენტრ მედინას სამედიცინო სერვისებითაც ისარგებლებენ.

"ჯანმრთელობის ცენტრი „მედინა“ ხელვაჩაურის სამედიცინო ცენტრში რეგისტრირებულ პაციენტებს შესთავაზებს მაღალკვალიფიციურ, მაღალტექნოლოგიურ, ლაბორატორიულ კვლევებს და სხვა სამედიცინო სერვისებს", - განაცხადა ჯანმრთელობის ცენტრ მედინას გენერალურმა დირექტორმა ნინო ქაჯაიამ.

ჯანმრთელობის ცენტრი „მედინა“ ხელვაჩაურის სამედიცინო ცენტრს, ასევე დაეხმარება სამედიცინო კომპიუტერული პროგრამის AccuracyMed-ის დანერგვასა და განახლებაში, აგრეთვე კადრების გადამზადებაში აღნიშნული პროგრამის შესაბამისად. მხარეებს შორის გაფორმებული შეთანხმება ძალაში დღეიდან შევიდა.

(NS)

ავტორი: ექსპრესნიუსი,

სოციალური ქსელები

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა

ზურაბიშვილი: არ უნდა გავჩერდეთ და 26 მაისს ძალიან ბევრი ხალხი უნდა გამოვიდეს

ზურაბიშვილი არ გამორიცხავს, რომ ივანიშვილს საფრანგეთის მოქალაქეობა ჩამოართვან