ახალი სასწავლო წელი  სოფელ ზედა ლეღვას მეორე საჯარო სკოლის მოსწავლეებმა რეაბილიტირებულ შენობაში დაიწყეს.

აჭარის მთავრობის თავმჯდომარემ სკოლის მოსწავლეებს ახალი სასწავლო წლის დაწყება მიულოცა და განახლებული სკოლა დაათვალიერა. სკოლაში მთლიანად შეიცვლა ინფრასტრუქტურა და თანამედროვე სტანდარტების შესაბამისად მოეწყო. საგანმანათლებლო დაწესებულება ადაპტირებულია შშმ პირებისთვის.   

"დილა დავიწყეთ ლეღვას საჯარო სკოლაში, რომელსაც ჩაუტარდა რეაბილიტაცია და აკმაყოფილებს ყველა საერთაშორისო სტანდარტს. მე მინდა ყველა სკოლის მასწავლებელს და მოსწავლეებს, განსაკუთრებით პირველკლასელს, მივულოცო დღევანდელი დღე და ყველას ვუსურვო წარმატებები. განათლება არის მართლაც ეროვნული იდეა, რომელიც შეძლებს ჩვენი ქვეყნის სამშვიდობოს გაყვანას" - აღნიშნა თორნიკე რიჟვაძემ.

სასწავლო დაწესებულებების რეაბილიტაცია „ათასწლეულის გამოწვევის ფონდი - საქართველოს" დახმარებით მოხდა.  ზედა ლეღვას მეორე საჯარო სკოლაში სულ 200 მოსწავლე ირიცხება.

რეგიონის პირველი პირის თქმით, წელს მუნიციპალიტეტში მდებარე 46 საჯარო სკოლიდან 8-ს რეაბილიტაცია ჩაუტარდა.

(NS)

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.