დე-ფაქტო სამხრეთ ოსეთის ე.წ. საზღვრის აღმნიშვნელი ბანერები 295- 300 მეტრით არის გადმოწეული, - ამის შესახებ „ექსპრესნიუსს“ შინაგან საქმეთა სამინისტროს საინფორმაციო-ანალიტიკური დეპარტამენტის დირექტორმა შალვა ენუქიძემ განუცხადა.

როგორც ენუქიძემ განმარტა, ე.წ. საზღვარი ძველი ბანერის ადგილიდან, რომელიც ორჭოსანის მიმართულებით იყო დამონტაჟებული, ახალი ავტობანის მიმართულებით არის გადმოწეული. ამასთან, მისივე ინფორმაციით, ახალი ბანერები წითელ უბანშიც დაამონტაჟეს.

„საღამოს საათებში შინაგან საქმეთა სამინისტროს ანალიტიკურ-დეპარტამენტში შემოვიდა ინფორმაცია იმ ის შესახებ, რომ საუკუპაციო ძალების მიერ ხდებოდა წითელი უბნის და ორჭოსანის მიმართულებით ახალი ბანერების მონტაჟი. აღნიშნულთან დაკავშირებით შესაბამისი ჯგუფი ადგილზე იქნა გაგზავნილი სხვა დანაყოფებთან ერთად, რის შედეგადაც მოხდა ინფორმაციის შეჯამება. ამ ეტაპისთვის ორჭოსანის მიმართულებით, სადაც ძველი ბანერი იყო დამონტაჟებული, ახალი ავტობანის მიმართულებით 295- 300 მეტრით არის გადმოწეული და დამონტაჯებულია ახალი ბანერი. რაც შეეხება წითელ უბანს, აქაც ახალი ბანერი არის დამონტაჟებული“, - განუცხადა „ექსპრესნიუსს“ ენუქიძემ.

მისივე თქმით, მომხდარის შესახებ შსს-მ საერთაშორისო ორგანიზაციებს და ევროკავშირის სადამკვირვებლო მისიის ხელმძღვანელს უკვე აცნობა.

„ჩვენ საქმის კურს ჩავაყენეთ საერთაშორისო ორგანიზაციები, ევროკავშირის სადამკვირვებლო მისიის ხელმძღვანელი, ვისთანაც ძალიან მჭიდრო ურთიერთობა გვაქვს და ამ მიმართულებით ხდება მათი მხარდაჭერა. თავისთავად საგარეო საქმეთა სამინისტრო იქნა საქმის კურსში ჩაყენებული“, - აღნიშნა შალვა ენუქიძემ და დასძინა, რომ ოფიციალურ განცხადებას შინაგან საქმეთა სამინისტროს პრესსასახური მოგვიანებით გააკეთებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს