ღარიბაშვილი: სოციალური მიმართულებით დაწყებული რეფორმები გაგრძელდება და გაუმჯობესდება

2019-09-05 13:48:12, 1739 ნახვა

კომენტარი

თავდაცვის მინისტრობის კანდიდატი ირაკლი ღარიბაშვილი საქართველოს თავდაცვის უწყებაში და თავდაცვის ძალებში სოციალური მიმართულებით დაწყებულ რეფორმებს გააგრძელებს. ამის შესახებ ირაკლი ღარიბაშვილმა ოთხი კომიტეტის გაერთიანებულ სხდომაზე განაცხადა.

მისი თქმით, ეტაპობრივად გაიზრდება საქართველოს თავდაცვის მზადყოფნის პროგრამაში (GDRP) ჩართული ქვედანაყოფების პირადი შემადგენლობის ანაზღაურება, გაუმჯობესდება სამედიცინო მომსახურების ხარისხი და გაგრძელდება ბინათმშენებლობის დაფინანსება.

„გაგრძელდება სამხედრო სამედიცინო შესაძლებლობების განვითარება როგორც თავდაცვის ძალების სამხედრო მოსამსახურეებისა და მათი ოჯახის წევრებისთვის, ასევე ჩვენი ღირსეული ვეტერანების, დაღუპული სამხედრო მოსამსახურეების ოჯახის წევრებისა და სამოქალაქო პირებისთვის“, - განაცხადა ირაკლი ღარიბაშვილმა და აღნიშნა, რომ უწყება გააგრძელებს დაჭრილი და დაშავებული სამხედროების საზოგადოებაში რეინტეგრაციისა და რესოციალიზაციის ღონისძიებებსაც.

(NS)

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,