გლდანის რაიონში, გარაყანიძის ქუჩისა და მიმდებარე ჩიხების რეაბილიტაცია მიმდინარეობს.

სამუშაოების ფარგლებში, დაზიანებული საფარის დემონტაჟი განხორციელდა, მომზადდა გზის საფუძველი, მოეწყო ბორდიური, რის შემდეგაც, დაახლოებით, 2 570 კვ.მ ფართობზე ასფალტის საფარი იგება. 

ინფრასტრუქტურული სამუშაოების მიმდინარეობას, რომელსაც ტენდერში გამარჯვებული შპს „L & L“ ასრულებს, გლდანის რაიონის გამგებელი ბექა მიქაუტაძე საკრებულოს მაჟორიტარ დეპუტატ შალვა ოგბაიძესთან ერთად გაეცნო.

„გლდანის რაიონში, გარაყანიძის ქუჩისა და მიმდებარე ჩიხების მოწესრიგებას ვახორციელებთ. ამ დასახლებაში გზის საფარი დაზიანებული იყო, რის გამოც, მოსახლეობას გადაადგილება უჭირდა. სამუშაოების შედეგად, ასფალტის ახალი საფარი დაიგება და წლების განმავლობაში არსებული პრობლემაც მოგვარდება“, - განაცხადა ბექა მიქაუტაძემ.

აღნიშნული სამუშაოებისთვის გლდანის რაიონის გამგეობის ბიუჯეტიდან 126 000  ლარია გათვალისწინებული.

(NS)

ავტორი: ექსპრესნიუსი,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს