რუსეთის საგრეო საქმეთა სამინისტრო სოფელ ჩორჩანასთან შექმნილ ვითარებასთან დაკავშირებით განცხაებას ავრცელებს. 

განცხადების თანახმად, რუსეთი შეშფოთებულია ე.წ. სამხრეთ ოსეთისა და საქართველოს დე-ფაქტო საზღვართან ვითარების ესკალაციასთან დაკავშირებით, რომელიც ქართული ბლოკ-პოსტის მშენებლობამ გამოიწვია. 

"ეს პროვოკაციული ქმედებები განხორციელდა თბილისის მიერ ცხინვალისთვის არაერთხელ ნათქვამი უარის ფონზე, დაიწყოს მოლაპარაკებები საზღვრის დელიმიტაციასა და დემარკაციაზე. ამ პირობებში, სამხრეთ ოსეთის მხარე იძულებულია, ცალმხრივად შეასრულოს ინჟინერულ აღჭურვასთან დაკავშირებული სამუშაოები, რაც მიმართულია იქ მცხოვრები მოსახლეობის უსაფრთხოებისთვის და სხვადსახვა ტიპის ინციდენტისს თავიდან ასაცილებლად. ეს არის სამხრეთ ოსეთის სუვერენული უფლება, ისევე როგორც ნებისმიერი სხვა სახელმწიფოსი. ბოლო თვეების განმავლობაში, თბილისი მიზანმიმართულად ძაბავდა სიტუაციას საზღვარზე პროვოკაციული აქციებით, პოლიტიკურ-პროპაგანდისტული კამპანიით, რასაც დასავლური ქვეყნების მხარდაჭერით ახორციელებდა. ეს არ უწყობდა ხელს საზღვართან დაკავშირებული პრობლემის გადაჭრას და პირიქით, ძაბავდა სიტუაციას რეგიონში, რამაც არსებულ მდგომარეობამდე მიგვიყვანა. მოვუწოდებთ მხარებს ინციდენტების პრევენციისა და მათზე რეაგირების მექანიზმის შეხვედრის ფარგლებში კონსტრუქციული დიალოგი გააგრძელონ", - ნათქვამია რუსეთის საგარეო უწყების განცხადებაში. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის