„ჩემ შვილს ფსიქიკური პრობლემები აქვს და მკურნალობდა, თუმცა მსგავსი რამ აქამდე არასდროს მომხდარა“, - ამის შესახებ პეკინის გამზირზე 3 წლის ბავშვის დაჭრაში ბრალდებულის, თამარ საძაგლიშვილის დედის, მანანა ჩხიკვაძემ განაცხადა.

როგორც ბრალდებულის დედამ აღნიშნა, ექსპერტიზა აღნიშნულ საკითხს დაადასტურებს.

„ჩემს შვილს რადგანაც აქვს ფსიქიკური პრობლემები. ეს სასამართლოს ექსპერტიზით დადასტურდება. ამის მიხედვით იმსჯელებენ მერე. მკურნალობდა, ფსიქიატრიულში იწვა. სახლშიც დადიოდა ექიმი, დანიშნულებაც ჰქონდა, წამლებსაც იღებდა. მერე რაღაცა პერიოდი რემისია ჰქონდა და შეწყვიტა წამლების მიღება. ალბათ ეგონა, რომ გამოჯანმრთელდა. საერთოდ ჩვეულებრივად გადიოდა ქუჩაში. ჩვეულებრივად ყიდულობდა პროდუქტს, მოჰქონდა სახლში. ჩვეულებრივად სახლის საქმეებს აკეთებდა, ეს რატომ მოხდა და როგორ მოხდა, არ ვიცი, ვერ გეტყვით.  მხატვარია, კარგი ადამიანია, უკანასკნელს გაიხდის და სხვას მისცემს“, - აღნიშნა თამარ საძაგლიშვილის დედამ.  

შეგახსენებთ, რომ პეკინის #11-ში გამვლელი ქალი 3 წლის ბავშვს თავს დაესხა და მას სახის არეში, ცივი იარაღით ჭრილობები მიაყენა. ბავშვი მშობლებთან და მცირეწლოვან დასთან ერთად გადაადგილდებოდა, რა დროსაც მოხდა თავდასხმა. ამის შემდეგ, ქალმა დაჭრილის დისკენ გაიწია და თავდასხმა მასზეც სცადა, თუმცა მცირეწლოვანი გოგონა მამამ დაიცვა. თავდამსხმელი ადგილიდან მიიმალა და ის დღეს სამართალდამცველებმა დააკავეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს