პოლკოვნიკ სერგო თეთრაძის მეუღლემ ნანა თეთრაძემ  და ადვოკატმა მაგდა კოტრიკაძემ თავდაცვის მინისტრ თინა ხიდაშელს იმ პირების სია გადასცეს, რომლებსაც, მათი მტკიცებით, პოლკოვნიკის წამებასთან  აქვთ კავშირი.

თეთრაძის მეუღლის განცხადებით, დამნაშავეები თავდაცვის სამინისტროში დღემდე მუშაობენ.

ნანა თეთრაძის თქმით, მათ თავდაცვის მინისტრს სთხოვეს, რომ ეს ადამიანები სამსახურიდან გათავისუფლდნენ.

„ძალიან კონსტრუქციული შეხვედრა იყო. ჩვენ მოვუყევით მას საქმის მასალების შესახებ, თუ რა წოდება ჰქონდა ჩემს მეუღლეს. ის იყო ორი ომის ვეტერანი და მინისტრს ვთხოვეთ,  ყველა ის  თანამშრომელი, რომელიც დღეს თავდაცვის სამინისტროში, ან სამხედრო პოლიციაში მუშაობას აგრძელებს და მათი ვინაობა დაკავშირებულია ჩემი მეუღლის წამებასთან, გაერკვიონ ამ საქმეში და ეს ადამიანები დროებითი კადრების განყოფილებაში გაიდაიყვანონ“, – აღნიშნა ნანა თეთრაძემ.

მას პოლკოვნიკის მკვლელობაში ეჭვმიტანლი პირების კონკრეტული გავრები და რაოდენობა არ დაუსახელებია.

 ამასთან, როგორც ადვოკატმა მაგდა კოტრიკაძემ  შეხვედრის დასრულების შემდეგ ჟურნალისტებს განუცხადა, ის  აღნიშნულ საქმესთან დაკავშირებით მთავარ პროკურორთან აპირებს შეხვედრას და დამატებითი ინფორმაცია სწორედ ამის შემდეგ გასაჯაროვდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს