აშშ-ის სოფლის მეურნეობის დეპარტამენტის (USDA) ბორლაუგის პროგრამის ფარგლებში, სსიპ სოფლის მეურნეობის სამეცნიერო-კვლევით ცენტრში,  ჯორჯიის უნივერსიტეტის პროფესორები, მანპრეტ სინისი და ჰარშავარდჰან ტიპარედი  ქართული მეფრინველეობის სექტორის წარმომადგენლებს შეხვდნენ.

შეხვედრაზე ამერიკელმა მეცნიერებმა მეფრინველეობის სექტორის წარმომადგენლებსა და ქართველ სპეციალისტებს  ფერმებსა და ფრინველი ხორცის გადამმუშავებელ საწარმოებში  მიკრობიოლოგიური რისკების კონტროლის ღონისძიებების თანამედროვე მიდგომები  გააცნეს.

„ჯორჯიის უნივერსიტეტს მეფრინველეობის დარგში სასწავლო და კვლევითი პროგრამების, კერძო სექტორის კონსულტირების და საჭირო სამეცნიერო-ლაბორატორიული კვლევების  განხორციელებაში დიდი გამოცდილება გააჩნია. დღევანდელი შეხვედრა წარმატებული თანამშრომლობის დასაწყისია, რომელიც ხელს შეუწყობს საქართველოში მეფრინველეობის განვითარებას, ახალი ტექნოლოგიების დანერგვას, მიკრობიოლოგიური რისკებისა და საფრთხეების იდენტიფიცირებას“, - აღნიშნა სოფლის მეურნეობის სამეცნიერო-კვლევით ცენტრის დირექტორმა,  ლევან უჯმაჯურიძემ.

ვიზიტის ფარგლებში, ჯორჯიის უნივერსიტეტის ექსპერტები სოფელ კრწანისში, მეფრინველეობის კომპლექსებს მოინახულებენ და ფერმერებს ბიოუსაფრთხოებისა და ენერგოეფექტური ტექნოლოგიების შესახებ კონსულტაციას გაუწევენ.  

შეხვედრას აშშ-ის სოფლის მეურნეობის დეპარტამენტის, სურსათის ეროვნული სააგენტოსა და კერძო სექტორის წარმომადგენლები ესწრებოდნენ.

(NS)

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს