„ჩემთვის კითხვებს აჩენს ის, რაზეც საუბარი იყო და არავინ უარყოფს, საკმაოდ დიდი რაოდენობის თანხა 17 მილიონ დოლარზეა საუბარი“, - ამის შესახებ საპარლამენტო უმრავლსობის ლიდერმა გია ვოლსკიმ ჟურნალისტებს განუცხადა,

ვოლსკი „თიბისი ბანკის“ დამფუძნებლების მამუკა ხაზარაძისა და ბადრი ჯაფარიძისთვის ბრალის წარგენას გამოეხმაურა.

 „ამ ადამიანების მიერ მიღებული გადაწყვეტილება პოლიტიკაში შესვლის, თუ არშესვლის, არ უნდა განაპირობებდეს იმას, რა ბრალდებასაც თვეების მანძილზე საგამოძიებო ორგანოები უყენებენ. ასე რომ ერთმანეთთან შესაბამისობაში მოდის მხოლოდ იმ შემთხვევაში, თუკი ვიტყვით, რომ პოლიტიკაში ნაბიჯის გადადგმა გარკვეული ინდულგენციის მიღების მცდელობაა.  ჩემთვის კითხვებს აჩენს ის, რაზეც საუბარი იყო და არავინ უარყოფს, საკმაოდ დიდი რაოდენობის თანხა 17 მილიონ დოლარზეა საუბარი, იყო გაცემული კერძო პირზე ყოველგვარი უზრუნველყოფის გარეშე, კერძო პირიდან დაბრუნდა კვლავ კერძო ანგარიშებზე და იქიდან მოხვდა ოფშორულ ზონაში, ამით ვინ დაზარალდა და ვინ არა ამასთან დაკავშირებით იმსჯელებს სასამართლო“, - აღნიშნა გია ვოლსკიმ.

შეგახსენებთ, რომ პროკურატურა ხაზარაძესა და ჯაფარიძეს ჯგუფურად, 16 754 000 ამერიკული დოლარის უკანონო შემოსავლის ლეგალიზაციას ედავება, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით).

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა